top of page
ggzsjjg.png

Un di dos edishon inolvidabel di Siman di Ròm Boneiru

E prestigioso festival di ròm di verano den área karibense ta bini bèk den luna di yüni, un siman di selebrashon di ròm premium – ku den bèkgrount e fantástiko paradiso hulandes karibense. Siman di Ròm Boneiru mester ta den bo agènda: 12 – 17 di yüni 2023.


Esaki ta bai tokante disfrutá di e ròm karibense premium na e sitio kaminda e intenshon ta pa gosa di dje: na rant di oséano. I ta bai tambe tokante disfrutá di Boneiru, e kapital karibense di preservashon di oséano, e sede di un kultura kulinario dinámiko (i algun di e mihó restorantnan den region) i un movementu kresiente di ekselente bibida stèrki. Siman di Ròm Boneiru ta konsistí di un seri di evento ku nan ta tene riba henter nos isla, for di fiesta na bich te na sena kombiná ku ròm, te na ròm ku kòktel na momentu di bahada di solo, i tur esaki den un ambiente espektakular kantu di laman.


‘E promé edishon di Siman di Ròm Boneiru tabata un éksito enorme i nos no por warda pa e edishon di aña 2023 yega’, segun Alexander Britell, redaktor i editor di Caribbean Journal, ku ta organisá e evento den kolaborashon ku Tourism Corporation Bonaire (TCB). ‘No ta eksistí ningun otro festival di verano manera esaki. E ta un evento ku sigur bo tin ku bishitá, sea ku pa hopi tempu kaba bo ta amante di ròm òf ku bo ta normalmente en buska di un tremendo vakansi riba bich den área karibense.


E evento ta pone Boneiru den spòtlait, e prenda riba korona di e islanan ABC, ku ta konosí komo e kapital mundial di sambuyamentu i preservashon di laman. Un área monumental di laman protehá ku ta rondoná henter nos isla i e sede mas importante di rekuperashon di koral den region.


‘Siman di Ròm Boneiru ta un oportunidat pa habitantenan lokal i bishitantenan pa uni ku otro, miéntras nan ta eksperensiando e esena kulinario di Boneiru’, segun Miles Mercera, direktor di TCB.


Pues, kiko tin riba bo agènda?

E evento ta ranka sali ku un aktividat VIP dia 12 di yüni. Dia 13 di yüni tin e fiesta grandi di apertura den e kòktelbar original di Boneiru: Rum Runners. Dia 14 di yüni tin e fiesta ‘Rum on the Beach’ na Plaza Beach Resort. Dia 15 di yüni tin un ‘Rum Lunch’ na Harbour Village i mas atardi e fantástiko ‘Happy Hour’ di Ròm Rincon ta tuma lugá riba e ‘sunset deck’ di Divi Flamingo Beach Resort.


Dia 16 di yüni tin un ‘Rum Happy Hour’ na Buddy Dive Resort i e inolvidabel anochi di ròm na Brass Boer, e restorant number 1 den área karibense (i e úniko ubikashon karibense di e restorant hulandes di tres strea Michelin: De Librije). Algu nobo ta tambe ku dia 17 di yüni ta kombiná Taste of Bonaire, e ‘streetfoodfestival’ regular di nos isla, ku un toke di ròm.


E evento di e aña aki ta haña sosten di Moon Tower Bonaire, huntu ku e partnernan hotelero, entre otro Delfins Beach Resort, Harbour Village Beach Club, Captain Don's Habitat, Plaza Beach and Dive Resort Bonaire, Grand Windsock Bonaire, Bamboo Bonaire, Buddy Dive Resort Bonaire, Divi Flamingo Beach Resort i tambe Rum Runners i Brass Boer. E partner di biahe ofisial di e evento akí ta Caradonna Adventures.


‘Esaki ta un siman inolvidabel den área karibense’, segun Guy Britton, EVP i Managing Editor di Caribbean Journal. ‘Si bo ta un amante di área karibense, esaki no por falta den bo agènda.’

===========================================

BròKèS 93.5 ………… Skuch’é!

8 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page