Trese trankilidat bèk na MBO tin prioridat más haltu pa Hunta di Supervishon di SGB.
Konsekuensha di un desishon di e presidente di direktiva, señora Klaske Apperloo, pa eksonerá inmediatamente e direktor interino di MBO di su tarea nan, a krea intrankilidat na MBO. Hunta di Supervishon tin komprenshon pa e intrankilidat aki i a tuma medidanan apropiá den e fase importante aki di aña eskolar(pensa entre otro riba èksamen nan) pa trese bèk e trankilidat.
Señora Apperloo e periodo binidero lo no ta presente na skol i e tareanan di direktiva lo wòrdu temporalmente ehekutá dor di dos direktor di e unidatnan. Nos ta kontentu ku e direktor suplente di MBO ku tabata ku ferlòf di embaraso ta dispuesto pa entrante awe (algun siman más promé ku planiá) bolbe asumí enkargo di su tareanan. Hunta di Supervishon durante e siman ku ta tras di lomba a hiba kombersashonnan intensivo ku tur direktor di unidat i tambe ku Konseho di Partisipashon (Gemeenschappelijke Medezeggenschapsraad) i lidernan di tim di MBO. Lo sigi ku kombersashonnan ku mas personanan involvi pa asina haña un bon bista di akontesimentunan, di situashonnan i posibel riesgo nan pa skol: e interés di skol i pa trese bèk trankilidat ta primordial.
Ta di súmo interés pa tur hende na skol sa ku Konseho di Supervishon ta aktua ora ta nesesario.
Hunta ta mira gran importansha di e proseso nan primario, dunamentu di lès na alumno i studiantenan, kontinuá sin más i Hunta lo dirigí su mes den toma di desishon kontínuo na interés di SGB i tur ku ta laborá einan i ku ta sigi enseñansa.
Na nòmber di Hunta di Supervishon di SGB,
Riet Sealy, presidente.
===========================================
BròKèS 93.5 ………… Skuch’é!
.png)
Comments