Tres Artista di Boneiru A Biaha Pa Hulanda, Riba Invitashon di Museo di Deluvio, Waternood Museum

ARTISTA DILLON RANNOU.

Fundashón Chichila pa Arte i Kultura huntu ku Greenpeace a tuma nota di e echo ku artistanan di Boneiru a biaha pa Hulanda djamars último 25 di yüni riba invitashon di Museo di Deluvio, Waternood Museum.

T’asina ku Jackie Bernabela huntu ku shete otro habitante di Boneiru i Greenpeace a demandá akshon di gobièrnu hulandes pa protehá Boneiru kontra di kambio di klima.

Aki poko tempu nos no tin parti suit mas di Boneiru pasó esei lo bai bou di awa huntu ku e kasnan di katibu ku ta un di nos monumentonan di partimonio kultural.

E Museo di Diluvio a invitá tres artista di Boneiru: Ghislaine Monte, Marieke Knol huntu ku Dillon Rannou tokante di e tema aki. Boneiru ta hopi sensativo pa kambio di klima i subimentu di nivel di laman. E eskoho di e tema di parti di e artistanan lo refierí tur e temanan relashoná ku awa, klima i oumento di nivel di laman.

E artistanan tin total libertat pa asina reflekshoná tokante pasado, akontesimientunan aktual i futuro di Boneiru. Despues di un sekshón di inspirashión ku sientífikonan, e artistanan ta risibí instrukshon di e trabou na e museo, ku ta keda den e hanchinan monumental. Nan ta bai traha durante e tres lunanan binidero, komo Artista den Residensia i lo pruba produsí obranan di arte tokante e tema: 'Biba ku awa'.