top of page
ggzsjjg.png

Trahadónan di Aeropuerto di Boneiru ta bai dilanti den cao nobo


Bonaire International Airport N.V. (BIA) tin un kontrato laboral kolektivo (cao) nobo. Djabièrnè sindikato ABVO i BIA a firma e kontrato. E cao ta drenta na vigor riba 1 di yanüari 2023 i tin un durashon di 3 aña.




Ta indeksá e salarionan den 2023 ku 4,3% i den e añanan 2024 i 2025 atrobe kada bia ku 2%. En total e salarionan ta subi den 3 aña pues ku mas di 8,3%. Riba inisiativa di BIA awor ta apliká tambe un suèldu mínimo di 1350,- USD, loke ta nifiká un subida konsiderabel di e entradanan mas abou.


Ademas ta oumentá konsiderablemente diferente kompensashon pa warda di ‘stand-by’ i pa warda iregular i ta introdusí e regla ku trahadónan di BIA, for di nan 60 aña, no mester traha warda di anochi mas. Ta oumentá e bónùs di fin di aña tambe notablemente.


A logra e cao akí den un esfera konstruktivo i e ta tene kuenta ku e echo ku tantu e doño di trabou komo e trahadónan a kaba pasa den un temporada turbulento, den kua e pandemia di COVID a afektá bida diario hopi i e resultadonan di e kompania. Tòg BIA a logra mantené e organisashon huntu durante e pandemia, i awor por tira un bista riba futuro. Serka BIA i serka ABVO ta evidente ku e temporada despues di COVID ta karakterisá pa un inflashon haltu i skarsedat riba merkado laboral i ta reakshoná ku cao akí riba esei.


“Ku e cao akí nos kier balorá nos koleganan pa e trabou i esfuerso ku nan ta demonstrá tur dia di nobo. Huntu nos ta hasi Flamingo Airport kada bia un tiki mas mihó i nos ta yuda pasaheronan tur dia na un manera sigur i ku bon servisio, mi ta orguyoso di esei. Mi ta kontentu ku nos por a plantia algun tema sosial i hasi bon palabrashon tokante esakinan den e cao akí. Ku e palabrashonnan akí, huntu komo tim, nos por traha ku konfiansa riba futuro di e aeropuerto.” Asina Maarten van der Scheer, direktor di aeropuerto, a trese dilanti despues di firmamentu di e cao nobo.

===========================================

BròKèS 93.5 ………… Skuch’é!


1 view

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page