Tourism Corporation Bonaire (TCB) na luna di sèptèmber a duna rekonosementu na 14 wéspet komo embahador di Boneiru den kategoria di bròns, plata, oro i platina.
Den kategoria di bròns a duna honor na Andrea i Leonard Beedon ku ta bishitando Boneiru pa 10 aña.
Tambe a rekonosé Carl i Lisa Hickey pa nan 12 aña di bishita na Boneiru. Tur ta prosedente di Merka.
Den kategoria di plata a rekonosé Foppe i Andre Heineman prosedente di Hulanda.
Tambe Kevin i Liza Grogan huntu ku Dianne Ochs di Merka. Nan a risibí nan rekonosementu pa ta bishitando Boneiru pa 15 aña konsekutivo.
Feneta di oro a keda otorgá na Martha Barrow i William Wheeler prosedente di Merka ya ku nan ta bishitando Boneiru pa 20 aña kaba.
Samantha Jemison i e pareha Jim i Cheryl Macqueene tambe di Merka a risibí e distinshon mas haltu, esta un plakat di platina pa respektivamente 30 i 35 aña di bishita na Boneiru.
E seremonia di rekonosementu tabata na enkargo di Helen Mercera, miéntras otorgamentu di e feneta korespondiente tabata na enkargo di sra Claire Thielman-Sealy i sra Lilianne De Geus, un eks funshonario di TCB.
BròKèS 93.5 ………… Skuch’é!
.png)
댓글