Tiramentu Ku Arma di Kandela Na Kaminda Djabou No Tabata 'Drive by Shooting, Sino Un Insidente

UPDATE: Kaso di tiramentu ku arma di kandela di 22 di yüli

Djamars 23 di yüli, alrededor di 1.15 or di mèrdia a detené un di kuater sospechoso relashoná ku e kaso di tiramentu ku arma di kandela. Ta trata di un mucha hòmber di inisial D.K.F.O di 16 aña di edat. Djárason 24 di yüli, a laga dos di e kuater sospechosonan den libertat. E otro sospechosonan ta detené pa mas investigashon.

Te ku awor, investigashon ta mustra ku e tiramentu no tabata un 'Drive by Shooting' manera a notifiká polis na promé instante, sino un insidente.

A resultá ku e hóbennan tabata den poseshon di un arma di kandela i aksidentalmente bala a sali i heridá un di nan. E hóben di 17 aña di edat ku a resultá heridá pa bala for di e arma di kandela te ainda ta den eksterior pa tratamentu médiko.

Investigashon den e kaso ta kontinuá.

Polis ta hala atenshon di tur hende riba e peliger serio di ta den poseshon ilegal di arma di kandela. Karga òf ta den poseshon arma di kandela ilegal no solamente ta un menasa pa bo bida, pero ta tambe un delito penal serio ku por resultá den kastigunan haltu.

Arma di kandela den man di personanan no outorisá ta oumentá e riesgo di aksidente, manera den e kaso aki, i insidentenan violento. Esaki ta trese siguridat di tur habitante na peliger. P’esei polis ta hasi un yamada na tur hende pa yuda aktivamente pa identifiká i mèldu poseshon ilegal di arma. Bo koperashon ta krusial pa tene nos komunidat seif. Si bo tin informashon tokante poseshon ilegal di arma, nos ta urgi pa bo tuma kontakto ku polis. Por hasi esaki tambe anonimo via e number 9310. Bo notifikashon por salba bida i yuda nos garantisá e siguridat di nos komunidat.

Si bo a mira algu, a tende algu òf tin informashon relevante pa e investigashon, tuma kontakto ku polis na 715-8000 òf via di e liña di tep a