Djasabra 30 di mart 2024, Tirabon a tene un kompetensia di e deporte di tiru den kuadro di e segundo edishon di “Bonaire international sport week” organisá pa INDEBON.
Promé ku e kompetensia a tuma lugá inougurashon di e kancha di tiru di Tirabon ku a haña e nòmber, Arthur Enrique Mauricio.
Vise presidente di Tirabon, Peter Silberie a hiba un diskurso na unda ku el a rekordá Arthur, den felis memoria, e tabata un motor grandi pa loke ta tiru na Boneiru i pa tene esaki aktivo tantu lokal komo internashonal.
Den presensiá di invitadonan i famianan di Arthur, Idra Mauricio, viuda di Arthur Enrique Mauricio, den felis memoria, a desvelá e bòrchi ku nòmber di e kancha.
Sra Mauricio a hiba palabra tambe gradisiendo direktiva di Tirabon pa nan tremendo trabou i esfuerso pa e bunita gesto i rekonosementu.
Tambe el a konta kon Arthur tabata bai tur djasabra na Washikemba pa Tiru.
Na final, sra Mauricio a deseá partisipantenan tiradó éksito ku e kompetensia.
BròKèS 93.5 ………… Skuch’é!
.png)
Comments