E temperatura ekstremo ku ta eksperensiando hopi trempan e aña aki ta sòru pa un demanda haltu di tantu awa komo elektrisidat. Esaki ta sòru tambe pa algun kontratempu operashonal pa Water- en Energiebedrijf Bonaire ‘WEB NV’.
Na e momentunan aki tin bateria i parti di e kapasidat di produkshon di bientu for di servisio pa motibu ku hustamente ta poniendo instalashonnan pa ekspanshon di kapasidat di e parke solar nobo.
E interupshonnan di koriente di djaluna 5 di yüni tabata debí na e desaroyonan ariba menshoná. Banda di esei WEB a eksperensiá dos interupshon separá riba e mesun kabel den área di servisio na Lagun i besindario.
Segun e pronóstiko di tempu ta spera ku e temperatura haltu lo kontinuá. Esaki ta mas ku klaro ta nifiká mas uso di awa i elektrisidat.
E kòmprèsernan di èrko mester traha mas duru pa por yega na temperatura mas abou. Esaki ta kondusí na demanda haltu, pero tambe gastunan haltu pa e konsumidó.
Pa e motibu aki WEB ta duna tep pa tene kuenta ku e diferensia di temperatura pafó i paden ora ku ta ahustá e temperatura di èrko.
E tep ta pa NO hasi e diferensia entre e temperatura paden i esun pafó mas ku 10 grado.
Muha mata parti anochi pa asina nan por apsorbé e awa di un manera mas efisiente.
Pa mas informashon i tep, por konsultá ku wèpsait i página di Facebook di WEB NV
Eskoho inteligente awor ta nifiká faktura di koriente i awa mas abou fin di luna.
BròKèS 93.5 ………… Skuch’é!
.png)
Comments