TELBO Ku Vários aktividat Den Novèmber
Kompania di telekomunikashon boneriano (TELBO), durante luna di novèmber, tabatin vários aktividat.
TELBO FIFA 23 CUP
Na kuminsamentu di novèmber TELBO a organisá un ‘gaming event’ bou di e nòmber “TELBO FIFA 23 CUP”, den kual trintido hóben a partisipá. Durante un siman e hóbennan a kompetí ku otro na ofisina di TELBO, hungando e wega di FIFA 23 via Playstation 5.
Organisando e aktividat aki, TELBO ta duna aporte na nos hóbennan pa rekreá sano huntu ku otro. Djasabra 12 di novèmber den kurá di TELBO tabatin e final di “TELBO FIFA 23 CUP”.
Kampion ‘invikto’ a resultá Nelbert Anthony, sub-kampion Raymond Bonifacio i na di 3 lugá Rayvin Bart Durante e anochi TELBO a rifa tambe diferente premio pa tur presente.
Aktividat di pintamentu
Den luna di novèmber TELBO a saka tambe ganadó di e bunita pinturanan ku tin riba e edifisio di TELBO. Shete skol básiko a demostrá nan arte riba TELBO algun tempu pasá. Durante e anochi final di e ‘gaming event’ presentenan a skohe e pintura faborito pa medio di gritu.
E skol ganadó ku a skor mas haltu riba meter di desibèl a resultá Skol Amplio Papa Cornes. TELBO ta gradisí tur shete skol pa e bunita artenan, nan ta Skol Amplio Papa Cornes, Kolegio Kristu Bon Wardador, Kolegio San Luís Bertrán, Kolegio San Bernardo, Basisschool De Pelikaan, Basisschool Aquamarin i Het Koraal.
Buki; Lan ku Ale den Kunuku di Tachi Momón
TELBO ta di nos muchanan tambe. TELBO a hasi posibel pa nos muchanan por tin un buki mas na Papiamentu pa nan por lesa. Fundashon Beti Doran a aserká TELBO pa patrosiná e buki di outor Mercee Doran, titulá "Lan ku Ale den Kunuku di Tachi Momón".
TELBO mesora tabata positivo pa e proyekto, mirando ku esaki ta kuadra den TELBO su strategia nobo, ku TELBO ta Di’Bo, TELBO ta di Boneiru, segun direktor di TELBO Gregory Colina.
Durante lunanan binidero por spera muchu mas di TELBO, na kaminda pa 40 aniversario.
===========================================
BròKèS 93.5 ………… Skuch’é!
.png)
Comments