top of page
ggzsjjg.png

TCB ta wak bèk riba un eksitoso Bonaire Tourism Summit anual

Tourism Corporation Bonaire (TCB) a organisá su di tres Bonaire Tourism Summit annual dia 27 i 28 di sèptèmber 2023 den Courtyard by Marriott. E aña akí e kumbre a tuma lugá riba dos dia.


Durante e promé dia di e kumbre TCB a kompartí su vishon, su akshonnan i su strategia pa desaroyo di turismo, pa medio di un presentashon di parti di Miles Mercera, direktor di TCB. TCB a presentá un bista general di e situashon aktual na Boneiru, e resultadonan i e planifikashon pa aña 2024. Meta di TCB pa aña 2023 ta pa logra un kantidat di 170.000 bishitante stayover. For di yanüari te ougùstùs Boneiru a yama bon biní na 113.000 bishitante stayover. Na e momentu akí e porsentahe di bishitante ku ta bini bèk ta 55%.


Dunn&Co, e ofisina di publisidat i brandingpartner di TCB a kompartí vários aktualisashon tokante nan trabou aktual i un bista adelantá di loke ta bai pasa na aña 2024. Nan a kuminsá ku un resúmen kompleto di e aktivashon di Earthonauts, ku a tuma lugá den e di kuater kuartal di aña 2022. Despues di esei nan a papia tokante e aktivashon di ‘multi-city 2023’, Flash Flamboyance, kaminda nan a hiba e bunitesa fantástiko di Boneiru su flamingo na New York City, Toronto i Miami, pa brinda e merkadonan importante akí algu di e sabor boneriano i pa papia ku nan tokante bunitesa di nos isla. Nan a terminá nan presentashon ku un bista mas profundo di e grupo di enfoke di Global Citizen, un aktualisashon tokante kreatividat di kampaña, asosiashonnan publisitario, trèntnan di merkadeo ku ta influensiá turismo, i kon na aña 2024 lo duna bida na e enfoke pa e aña di ‘Preserving Our Hidden Gem – Preservashon di nos tesoronan skondí’.


Diamond Public Relations a presentá un bista general di e esfuersonan ku a ehekutá relashoná ku medionan di komunikashon i konsientisashon na bienestar di e destinashon pa aña 2023. E tim a kompartí resultado di e inisiativanan, entre otro biahe di prensa i bishitanan individual di medionan di komunikashon, presentashonnan, eventonan pa medionan di komunikashon i tambe lansamentu di e podcast nobo di seis episodio na Boneiru i e kampaña resien di ‘TikTok Island Hopping’. Komo resultado di nan esfuersonan di relashonnan públiko for di yanüari te ku ougùstùs nan a alkansá mas ku 189 mion impreshon den medionan di komunikashon na Nortamérika i 59 mion na Oropa. Diamond PR a papia tambe tokante e trèntnan di biahe binidero pa aña 2024.


Riba e di dos dia diputado di Desaroyo Ekonómiko i Turismo, sra Jolinda Craane a pone énfasis riba importansia di esfuerso kolektivo i kresementu kompartí. E diputado a duna atenshon mas profundo na e prioridatnan mas importante di Entidat Públiko Boneiru, entre otro stimulashon di enbolbimentu lokal, integrashon di hasimentu di negoshi den un forma sosialmente responsabel den empresanan, promoshon di nos inisiativa di ‘Blue Destination’, implementashon di adaptashon pa loke ta trata impuesto di turista i sigurá finansiamentu struktural pa TCB. Esaki ta reflehá nos kompromiso ku un futuro kolaborativo i sostenibel.


Kia-San, un representante di Ofisina di Haf di Boneiru, a kompartí un bista general di e prestashonnan di bishitantenan krusero. Segun ekspektativa na aña 2023 ta verwagt 187 barku krusero, kaminda nos lo yama bon biní na mas òf ménos 400.000 bishitante. Tambe el a suprayá e nesesidat di un maneho adekuá di nos industria di turismo krusero. Kia-San a introdusí algun atkisishon eksitante, manera Explora I i el a duna splikashon tokante nos ‘One Ship Policy’ pa un maneho responsabel di e industria krusero.


Komo parti di e Bonaire Tourism Summit, TCB a organisá tambe seshonnan interaktivo den grupo chikitu, kaminda sektor privá a partisipá i a duna nan aporte pa inisiativanan di merkadeo pa Boneiru pa aña 2024.


Gustosamente TCB ke gradisí tur partner ku e aña akí a asistí na e Bonaire Tourism Summit anual.

BròKèS 93.5 ………… Skuch’é!

4 views

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page