top of page
ggzsjjg.png

TCB ta rekonosé personanan ekstraordinario den programa di Bonaire Friends

Ku orguyo Tourism Corporation Bonaire ta kontinuá ku su tradishon di rekonosé personanan eksepshonal ku a duna un aporte signifikante na Boneiru su sektor turístiko. Pa medio di e programa di Bonaire Friends nos ta selebrá e dedikashon insesante i kaluroso hospitalidat di personanan sobresaliente, kaminda nos ta rekonosé nan esfuersonan ekstraordinario pa mehorá eksperensia di nos bishitantenan.


Nos ta kontentu di por anunsiá ku nos a añadí kuater persona remarkabel mas na nos lista ku ganadó di Bonaire Friends:

Darcy – Pa 10 aña kaba Darcy ta e kara hospitalario ku ta saludá sambuyadónan na e sitionan di buseo di Dive Friends. Su sonrisa kontagioso i su entusiasmo pa yuda sambuyadónan ku nan ekipo a hasié un figurá hopi kerí den mundu di buseo. Darcy su pashon pa Boneiru no ta solamente evidente den su trabou, pero tambe den su presensia riba medionan sosial, kaminda ku orguyo e ta laga tur hende mira kon bunita nos isla ta.

Helen Thode – Un di nos embahadornan a nominá Helen. Su aserkamentu hospitalario i informativo kada biaha ta laga un impreshon permanente atras serka nos bishitantenan. Helen su dedikashon pa loke ta trata kompartí e último eventonan i akontesimentunan na Boneiru, ta krea un sintimentu di konektividat serka nos bishitantenan. Su aserkamentu personal i enbolbimentu kaluroso ta sòru ku nos bishitantenan ta sinti nan mes amigu di honor di Boneiru.

Jessica – Jessica su hospitalidat eksepshonal a hunga un ròl krusial na momentu di transformá un vakansi di snòrkel den un eksperensia na Boneiru ku a kambia bida di un pareha. No opstante sirkunstansianan imprevisto ku a hasi snòrkelmentu imposibel, e guia ku Jessica a duna, su konosementu turístiko i tambe su hospitalidat kaluroso a hasi nan biahe un aventura inolvidabel. Su dedikashon pa sòru ku nos bishitantenan ta haña e mihó eksperensia posibel, ta personifiká e espíritu di nos hospitalidat boneriano.

Kapitan Rowan Beenakkers – E kaluroso bon biní i e guia informativo di kapitan Rowan a pone su stèmpel riba pasaheronan krusero ku ta bishitá Boneiru. Su pashon pa nos isla, den kombinashon ku su konosementu amplio, a hasié un figura remarkabel den sektor turístiko. Rowan su dedikashon pa preservashon di Boneiru su bunitesa natural i e manera ku e ta brinda eksperensianan eksepshonal na nos bishitantenan ta un ehèmpel lúsido pa tur hende.


E programa di Bonaire Friends ta sigui pone atenshon riba personanan spesial ku ta kontribuí pa hasi Boneiru un destinashon ekstraordinario. Pa medio di rekonosé e enkuentronan eksepshonal akí, nos ke promové konekshonnan berdadero i rekuerdonan permanente pa tur hende ku ta bishitá nos isla.


Nos ta enkurashá bishitantenan pa kompartí nan propio storianan tokante enkuentronan eksepshonal ku nos komunidat lokal via e página spesial di Bonaire Friends riba https://bonaireisland.com/bonaire-friends/. Tourism Corporation Bonaire ta invitá tur hende pa partisipá i pa selebrá e konekshonnan úniko i amistatnan duradero ku ta surgi na nos isla.


E programa di Bonaire Friends ta sigui hasi esfuerso pa rekonosé lo mihó di Boneiru, kaminda ta pone énfasis riba e servisio ekselente i kaluroso hospitalidat di Boneiru su hendenan. E programa akí ta suprayá e kultura vibrante di nos isla i ta brinda nos bishitantenan e oportunidat pa bini den kontakto ku nos komunidat lokal, di manera ku esaki ta promové lasonan berdadero i rekuerdonan ku ta dura bida largu.

BròKèS 93.5 ………… Skuch’é!

1 view

Comentários


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page