top of page
ggzsjjg.png

TCB ta rekonosé Dee Pedersen komo e promé persona honrá komo parti di Bonaire Friends

Tourism Corporation Bonaire ta rekonosé Dee Pedersen komo e promé persona ku ta keda honrá komo parti di e Programa di Bonaire Friends

Tourism Corporation Bonaire ta orguyoso di por rekonosé Dee Petersen komo e promé persona ku ta risibí un premio pa motibu ku e ta personifiká e espíritu di Boneiru i pasobra e tabatin un impakto signifikante riba bishitantenan di nos isla.


Bonaire Friends, Amigu di Boneiru, ta enfoká riba selebrashon di nos poblashon lokal i enkurashamentu di nos bishitantenan pa konta storia positivo tokante nan eksperensia i amistat ku e poblashon lokal na nos isla. E inisiativa tin komo meta pa pone énfasis riba e tremendo servisio ku nos hendenan ku ta traha den sektor di turismo ta ofresé na nos bishitantenan i pa gradisí nan pa nan trabou duru.


Tom Darrow, ku pa hopi tempu kaba ta embahador di Boneiru, a nominá Dee Pedersen pa su ekselente kontribushon na e industria di turismo na nos isla.


Huntu ku su kasá Ulf, Dee Pedersen ta doño i operadó di Woodwind ku su ekskurshonnan di snòrkel na Klein Bonaire. Durante e 15 añanan tras di lomba Dee a duna guia na e ekskurshonnan akí i a sòru pa kada wéspet gosa di un eksperensia inolvidabel. Su pashon pa Boneiru ta kontagioso i su konosementu di historia i ekologia di nos isla ta remarkabel. Dee ta un embahador eksepshonal pa Boneiru i su servisio ekstraordinario a hasi un impreshon duradero riba su wéspetnan.

Tom Darrow, kende a nominá Dee pa su premio, ta kompartí lo siguiente tokante su eksperensia: “Dee ta e mihó embahador pa Boneiru ku nos a topa riba e isla akí. Su pashon pa Boneiru ta inspirativo. E ta yama tur hende bon biní na bordo di Woodwind i ta sòru mesora ku su wéspetnan ta sinti nan mes famia di Boneiru. Dee ta komplasé tur hende na bordo den términonan di abilidat i komodidat i ta sòru pa e eksperensia surpasá nan espektativanan. Woodwind ta E MIHÓ ekskurshon ku nos a yega di eksperensiá, i nos a bishitá 44 isla karibense i hopi pais oropeo.”


E servisio eksepshonal di Dee a kontribuí na kreamentu di rekuerdonan ku su wéspetnan no ta lubidá nunka. Manera Tom Darrow a bisa: “E servisio akí ku Dee ta ofresé, ta kondusí na rekuerdo ku ta keda grabá pa bida largu i ku ta sòru ku nos tur ta sigui bini Boneiru bèk! Debi na Dee nos a evolushoná di ‘wéspet’ pa ‘amigu’.”


TCB ta orguyoso di rekonosé Dee su kontribushon na industria di turismo di nos isla i nos ta felisit’é ku el a bira e promé ganadó di e Programa di Bonaire Friends.

===========================================

BròKèS 93.5 ………… Skuch’é!


1 view

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page