Kome manera un boneriano komo parti di e esfuersonan di Kapital Kulinario
Tourism Corporation Bonaire (TCB) ta kontentu di por anunsiá su oferta nobo, yamá ‘Bonaire Culinary Program’ komo parti di su esfuersonan di Kapital Kulinario. Den liña ku su strategia di diversifikashon TCB ta rekonosé importansia di e oferta kulinario di Boneiru. For di e último resultadonan di investigashon a resultá ku nos oferta kulinario ta un di e 5 motibunan mas prinsipal pa bishitá nos isla Boneiru.
Ku introdukshon di e programa di Bonaire Culinary Workshop (tayer kulinario di Boneiru), awor akí bishitantenan por sera konosí ku eksperensianan kulinario lokal outéntiko. E eksperensianan akí ta mas ku solamente purbamentu di nos kuminda lokal, pero tambe informá i inspirá nos bishitantenan tokante tradishonnan kulinario lokal i tokante kon nan por prepará nos platonan lokal.
E programa di tayer kulinario akí ta e sitio perfekto kaminda tantu nos poblashon lokal komo nos bishitantenan por haña informashon di e tayernan tokante kuminda ku ta disponibel na nos isla i kon nan por hasi reservashon pa esakinan. Ta trata di un bista tras di kortina di kon ta prepará nos kumindanan lokal i kon bo por eksperensiá pa kome manera un boneriano.
Kiko bo por verwagt?
E eksperensia akí ta mustra e kultura kulinario bibu di Boneiru, ku un enfoke riba e manera kon nos ta kushiná i prepará nos platonan. E platonan ta varia dependiente di e ingredientenan ku ta disponibel den sierto temporada na nos isla. Ningun tayer no ta meskos i ningun di nan resetanan tampoko.
Komo parti di e Plan di Rekuperashon pa Turismo, e inisiativa akí ta un otro parti ku ta enfoká riba kon pa krea un eksperensia kultural outéntiko pa nos bishitantenan i na mes momentu ofresé empresarionan lokal un oportunidat pa mustra nan abilidat i kapasidat.
BròKèS 93.5 ………… Skuch’é!
.png)
Comments