Tourism Corporation Bonaire (TCB) ta informá di sifranan preliminar pa luna di yüli 2024, for di kua a resultá ku den e luna ei Boneiru a yama bonbiní na 14.320 bishitante stayover.
Esaki ta un oumento di 1,5% kompará ku luna di yüli 2023, kual tabata 14.109 bishitante stayover i kompará promé ku e pandemia, esei tabata 13.100 bishitante stayover.
Bishitantenan hulandes a keda e grupo di mas grandi, ku 7292 bishitante (50,9%), siguí pa esnan merikano ku 2996 bishitante (20,9%). For di Kòrsou 2052 bishitante a bini 14,3%, pero Aruba, Alemania, Bélgika, Brasil i Colombia tambe a duna aporte signifikante.
Bishitantenan merikano a bini prinsipalmente for di Florida, Texas, Georgia, California, Colorado, Pennsylvania, New York i otro estadonan grandi. E gruponan di edat ku e representashon mas grandi tabata esun di 45 pa 54 aña (20,4%) i esun di 55 pa 64 aña, loke ta un indikashon di un interes fuerte serka biaheronan di edat mas haltu. Bishitantenan hulandes a bini prinsipalmente for di Noord-Holland, Zuid-Holland i Noord-Brabant, kaminda e gruponan di edat di 45 pa 54 aña (20,8%) i di 18 pa 24 aña (16,9%) a dominá.
.png)
Comments