En konekshon ku Luna di Turismo
Tourism Corporation Bonaire (TCB) ta bai organisá un tremendo spùrtògt pa hóben relashoná ku Luna di Turismo den luna di sèptèmber. E spùrtògt ta tuma lugá riba djasabra 23 di sèptèmber 2023 entre 10 or di mainta pa 12 or di mèrdia den área di Kralendijk.
Hóbennan entre 9 pa 12 aña di edat por partisipá. Pa partisipá mester forma grupo di 5 hóben kompañá pa un adulto riba 21 aña. Pa partisipá mester pasa yena un formulario di partisipashon na TCB. Esaki ta kompletamente grátis. Último dia ku por inskribí ta djárason 13 di sèptèmber 2023. Despues ku nan kaba inskribí, kada grupo ta haña un koló pa nan partisipá kuné. Mester krea un fantasia rònt di e koló i lo bai tin un premio èkstra pa esaki.
Durante e spùrtògt e hóbennan lo bishitá diferente sitio turístiko i históriko, kompañá tambe ku algun aktividat ku tin di haber ku esakinan. Despues di e spùrtògt tur partisipante ta risibí un lùnch i un ‘goody bag’ komo opsekio di TCB.
E grupo ku tin mas punto i ku yega den e tempu stipulá ta bira ganadó di e spùrtògt. Ta saka e ganadónan den e siguiente sekuensia: di tres lugá, di dos lugá i e ganadónan apsoluto di e spùrtògt. Ta bai tin premionan atraktivo i lo entregá esakinan durante e evento di Taste of Bonaire riba djasabra 30 di sèptèmber, na unda Luna di Turismo ta bai kulminá.
BròKèS 93.5 ………… Skuch’é!
.png)
Comments