Tourism Corporation Bonaire (TCB) ta kompartí ku plaser e resutado di e diferente esfuersonan di Relashonnan Públiko den un asosiashon ku e agensia di Relashonnan Públiko di Boneiru, Diamond Public Relations, pa e segundo kuartal di 2024.
E plan di Relashonnan Públiko pa 2024 ta enfoká pa sigui eksponé Boneiru na Merka, Canada, i paisnan di papiá aleman, manera Alemania, Austria i Suiza (merkado GAS), asina bon manera pone enfoke riba tendensia nobo di biahe, manera biahe bo so, biahe kulinario i biahe pa bienestar. Ademas, e esfuersonan di Relashonnan Públiko lo kontinuá pone enfoke riba e kompromiso di e isla ku preservashon di naturalesa i kultura lokal pa atraé bishitante ku ta kompartí mesun balornan i ke interaktuá ku e komunidat lokal via media pa enrikesé nan eksperensia.
Durante e segundo kuartal di e aña, e diferente esfuersonan di Relashonnan Públiko a generá un meskla di kobertura digital, imprimí i riba media sosial, resultando den un alkanse total di 48.7 miyon di impreshon den media i 32 publikashon optené den merkado nortamerikano i 9.5 miyon di impreshon total den media i 20 publikashon optené den merkadonan europeo.
Resumen di esfuersonan di aprel pa yüni – Nort Amérika Durant e segundo kuartal di e aña, e tim di Boneiru a organisá un bishita di prensa grupal ku enfoke riba e esena kulinario prospero di e isla i e eksperensianan di anochi, dos bishita individual di media, a skibi i distribuí un komunikado di prensa tokante e vuelo nobo di JetBlue, i a optené publikashonnan di primera klase via e esfuersonan di lansamentu kontinuo.
Mihó publikashonnan di prensa di aprel pa yüni – Nort Amérika; E mihó publikashonnan di prensa di e segundo kuartal ta inkluí un storia impreshonante tokante Boneiru riba Forbes.com, pa Christopher Elliott ku a bishitá nos isla den aprel, un artíkulo tokante e mihó destino di snòrkel na mundu den Condé Nast Traveler, un artíkulo ku ta pone Boneiru komo un di e 12 destinonan ku e verano ta temporada abou na Fodor’s Travel, un artíkulo impreshonante ku ta pone Boneiru komo un di e 17 islanan karibeño mas bunita den Veranda, i mas. Ademas, Boneiru i JetBlue a risibí diferente kobertura riba TravelAndLeisure.com, TravelOffPath.com i TravelAgentCentral.com, tokante e anunsiashon di e vuelonan nobo na e isla.
Resumen di esfuersonan di aprel pa yüni – Europa; Durante segundo kuartal di e aña, e team di Boneiru a organisá un bishita individual di medianan di Foodies Magazine NL, dos bishita di media grupal ku enfoke riba eksperensianan di naturalesa i rekreo, a skibi i distribuí diferente komunikado di prensa tokante Bonaire Yoga & Wellness Week 2024, Bonaire Culinair i Taste of Bonaire, i Boneiru den Shirma’s Caribische Smaken, i a optené publikashonnan di primera klase via esfuersonan di lansamentu kontinuo.
Mihó publikasianan di prensa di aprel pa yüni – Europa; E mihó publikashonnan di prensa di e segundo kuartal ta inkluí un propagashon tokante e aktividanan di naturalesa di Boneiru i esfuersonan di konservashon riba NatureScanner.nl, un artíkulo impreshonante tokante e ofertanan kulinario di Boneiru riba 24Kitchen, e anunsio di e Yoga and Wellness Week di Boneiru riba Reisbizz.nl, i e ReeFiesta anual organisá pa e Reef Renewal Foundation Boneiru riba DuikenInBeeld.tv.
Próksimamente; Den e terser kuartal di e aña, e ekipo di Boneiru lo koordiná i organisá un bishita individual di media di De Zondag i un bishita grupal di prensa ku enfoke riba aktividatnan relashoná ku awa. Nan lo kontinuá traha riba un evento di media i un aktivashon di Relashonnan Públiko rondó di e vuelonan nobo di JetBlue na New York City, lo kontinuá traha riba un aliansa ku GoPro, Regatta Bonaire i esfuersonan di lansamentu kontinuo.
.png)
Comments