Tourism Corporation Bonaire (TCB) huntu ku Bonaire International Airport (BIA) i Bonaire Hotel and Tourism Association (BONHATA) dia 3 di aprel 2024 a organisá e promé Bonaire Tourism Update pa aña 2024 na Captain Don’s Habitat.
Veroesjka de Windt, direktor di BONHATA, ta mèldu ku e grado di okupashon den e
promé kuartal di 2024 ku 74% a keda igual ku aña 2023.
Luna yanüari su komienso a bai pokopoko, luna di febrüari a keda meskos, miéntras ku luna di mart a mustra un subida di 4%. Pa e di dos kuartal ta spera un oumento di 11% pa loke ta trata e grado di okupashon.
Kompará ku aña 2023 e Tarifa Promedio di Dia (ADR) a baha ku 7%, di $ 239.= na aña 2023 pa $ 223.= na 2024. Esaki ta konsekuensia introdukshon di mas kamber na nos isla sin sufisiente kapasidat di buelo. Debí na esaki a baha preis pa por yena e kambernan.
Pa e di dos kuartal ta spera un bahada di 12%, di $ 201.= na 2023 pa $ 177.= na 2024. Konsekuentemente tabatin un bahada di e RevPar (e entrada pa kada kamber disponibel) di 6% den e promé kuartal 2024, di $ 180.= na 2023 pa $ 170.= na aña 2024. Pronóstiko pa e di dos kuartal un biaha mas ta mustra un bahada di 9%, di $ 112.= na aña 2023 pa $ 102.= na 2024.
BròKèS 93.5 ………… Skuch’é!
.png)
Comments