Tourism Corporation Bonaire (TCB) i Surround Vibe ta organisá e di tres Bario Festival ku lo tuma lugá na Rincon. A kanselá e Bario Festival siman pasá pa motibu di wer, pero e evento ta kontinuá djasabra awor 11 di novèmber 2023 den un tremendo ambiente kuminsando for di 12 or di mèrdia te 11 or di anochi.
E programa ta kargá ku músika i tin stènt ku ta bende kuminda lokal. E agrupashonnan musikal Grupo Eso, Foyan Boys, Sabor Tropikal i un DJ ta presente pa animá e atardi i anochi akí. Pa duna e Bario Festival un toke mas spesial lo bai tin un torneo chikitu riba vèlt di Luciano ‘Boy’ Frans, mihó konosí komo vèlt di Johan Cruijf ku timnan di bario i hopi mas. E Bario Festival ta bai tuma lugá riba tereno di IKC Rincon. Entrada ta kompletamente grátis.
TCB i Surround Vibe ta ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 11 di novèmber 2023 den e di tres edishon di Bario Festival ku ta bai tuma lugá na Rincon.
BròKèS 93.5 ………… Skuch’é!
.png)
Comentários