top of page
ggzsjjg.png

TCB a organisá Cruise Town Hall Meeting anual komo preparashon pa temporada krusero 2023 – 2024

Dia 25 di òktober 2023 Tourism Corporation Bonaire (TCB) den kolaborashon ku gobièrnu di Boneiru i ofisina di haf a organisá su Cruise Town Hall Meeting anual. E enkuentro akí a trese e stakeholdernan di mas importante huntu, entre otro shofùrnan di taksi, bendedónan, agensianan di biahe, operadornan di tour, agentenan di reservashon i representantenan di e industria lokal di turismo. E enkuentro a marka tambe apertura di e temporada krusero 2023 – 2024 na Boneiru.


Durante e enkuentro e partispantenan a hiba diskushon profundo tokante vários tópiko, entre otro prestashon di e temporada krusero anterior (2022 – 2023), e maneho di un solo barku krusero pa dia, e promé bishita ku un barku krusero ta hasi na nos isla, posibilidat di kapasitashon, partisipashon na bolsa krusero, akuerdo ku partnernan krusero i hopi mas.


E stakeholdernan a haña informashon tambe tokante implementashon di e maneho di un solo barku krusero pa dia, ku gobièrnu di Boneiru a introdusí na aña 2021. A duna un aktualisashon di e fechanan riba kua lo tin dos barku krusero den haf pa motibu di reservashonnan ku ya a keda konfirmá anteriormente. Mester tene kuenta ku kompanianan krusero ta konfirmá nan skema krusero te ku 3 aña adelantá. Banda di esaki entrante luna di yanüari 2023 a introdusí e impuesto nobo pa kada bishitante, e asina yamá ‘head tax’ ku un kambio den tarifa di $ 3,50 pa $ 10,- pa kada bishitante krusero.


Na aña 2022 Boneiru a yama bon biní na 304.563 bishitante ku tabata riba 165 barku, i te ku fin di sèptèmber 2023 nos isla a risibí 341.070 bishitante ku tabata riba 123 barku.


Durante e enkuentro a dediká atenshon tambe na e inisiativanan ku a introdusí pa nos poblashon lokal, manere e ‘behind the scenes tours – tour tras di kòrtina’ pa mas ku 100 studiante di mbo i vmbo riba barku di Royal Caribbean Cruise Line, komo parti di e Memorandum of Understanding ku a firma na aña 2022. Banda di esaki mas ku 100 mucha lokal a haña oportunidat pa deskubrí e barku Carnival Celebration i eksperensiá un dia na bordo.

Pa e temporada 2023 – 2024 tin en total mas òf ménos 186 barku krusero planiá pa Boneiru. E barkunan krusero ku den e temporada nobo ta bishitá Boneiru pa promé biaha ta entre otro Celebrity Beyond dia 19 di novèmber 2023, Explora I dia 30 di novèmber 2023, Norwegian Viva dia 9 di yanüari 2024 i Emerald Azzurra dia 21 di febrüari 2024. Un proyekto nobo, ‘Arts and Crafts Pop Up’ lo hasi posibel pa nos habitantenan lokal bende nan produktonan di artesania na un sitio ‘pop – up’, esta temporal, den Parke Wilhelmina, di manera ku esaki ta promové partisipashon di komunidat i kresementu di merkado.

TCB a duna un aktualisashon tokante ròl di e taskforce, entre otro sosten di Kuerpo Polisial Hulanda Karibense, Kapitan di Haf, Dispatcher, Supervishon i Mantenshon di Lei, Planifikashon i Desaroyo i Stinapa. Mas aleu a deliberá tokante e gentleman’s agreement i entretantu inskripshon pa traha den área krusero a habri ofisialmente i partisipantenan for di awe por registrá pa nan ‘badge’ krusero via https://tinyurl.com/Bonairecruise23.

BròKèS 93.5 ………… Skuch’é!

3 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page