STINAPA a tuma nota ku den media a surgi un diskushon tokante un tapeit di yerba ku a pone riba ‘restunan’ di un waf. Pa aklarashon nos ke splika ku STINAPA tin e mandato di Gòbièrnu di Boneiru pa manehá e parke marino di Boneiru.
E parke aki ta kuminsá na e asina yama “hoog waterlijn” te ku 60 meter pafó di kosta.
Pa añanan STINAPA a bin ta hiba un maneho estrikto pa loke ta trata infrakshon den e parke aki. Pero primordialmente ta informá esun responsabel pa kualke infrakshon promé ku bai over na skirbi prosèsverbal. Pa esaki tin un gran parti di ranger den e organisashon ku ta BAVPOL, pues nan tin e outorisashon di Ministerio Públiko pa skirbi prosèsverbal i tuma akshon.
Den e kaso aki, a informá e persona ku a pone e tapeit di kiko e infrakshon ta i a splika kiko e konsekuensianan por ta.
Konhuntamente ku e doño a tuma e desishon pa kita e tapeit.
A base di artíkulo 29 ta enfatisá ku mester tin pèrmit pa por instalá, renobá òf adaptá kualke instalashon den parke marino.
STINAPA ta para pa desaroyo legal i sustenibel. P’esei STINAPA ta traha aktivamente ku su partner prinsipal kual ta OLB pa asina atendé i fasilitá informashon na OLB pa atendé e problema di pèrmitnan den e parke marino. Semper STINAPA ta habrí pa kòmbersashon i duna informashon tokante tur loke tin di aber ku parke marino i tambe trese solushon legal pa kualke problema ku tin.
Foto; Noel Janga
===========================================
BròKèS 93.5 ………… Skuch’é!
.png)
Commenti