For di djabièrnè tramèrdia dos insidente ku kandela a tuma lugá na e lèntfel di Selibon na Lagun. Kousa di e kandelanan ainda no ta konosí.
Entretantu a kuminsá ku tapamentu di e kandelanan.
Kontròl di e kandela; E métodonan di paga kandela ta na enkargo di kuerpo di bombero, nan a skohe pa laga e kandela kima kaba na nada den un forma kontrolá.
Di e manera akí kontaminashon di aire ta keda mas tantu limitá. E sistema di laga e kandela kima kaba na nada ta sòru ku mayoria di e materianan inflamabel ta kima kompletamente i ku tin ménos emishon di supstansianan peligroso.
Efekto di huma; Inhalá huma nunka no ta saludabel, esaki por kousa iritashon di vianan respiratorio i wowo. Esaki ta dependé di sensibilidat individual di kada persona.
Den kaso di problema ku salú komo konsekuensia di e kandela, e konseho ta pa kada hende tuma kontakto ku nan propio dòkter di kas.
Kolaborashon entre organisashonnan; Tur organisashon a aktua a base di nan propio spesialismo profeshonal. Entidat Públiko Boneiru a ofresé sosten na e asosiashon di habitante Asosiashon Pro Lagun (APL) ku reglamentu di akomodashon temporal.
Kuerpo di bombero i Selibon ta traha huntu pa logra haña e kandela bou di kontròl.
Tambe a enbolbí polis pa ehersé èkstra patruya den e área.
Komunikashon direkto ku habitantenan; Entidat Públiko Boneiru ta komuniká ku e habitantenan den e bisindario direkto via Asosiashon Pro Lagun (APL).
Espasio pa servisionan ousiliar; Ta supliká tur hende pa no bai den e área afektá i pa duna tur servisio ousiliar espasio pa nan por hasi nan trabou.
Entidat Públiko Boneiru ta sigui e desaroyonan den e kaso akí djaserka, i durante e dianan binidero lo duna mas informashon tokante e situashon akí.
BròKèS 93.5 ………… Skuch’é!
.png)
ความคิดเห็น