Ta kuminsa e aña aki ku renobashon di e edifisio di Sociedad San Antonio de Padua

Ta kuminsa den kurso di e aña aki ku renobashon di e edifisio di Sociedad San Antonio de Padua na Rincon.

Di parti di direktiva di Sociedad San Antonio de Padua tabata buskando ya pa algun aña kaba fondonan pa asina por hasi mantenshon grandi na e edifisio di e organisashon aki. Esaki no tabata fasil. Despues e direktiva a hasi un petishon na gobiernu di Boneiru.

Riba proposishon di diputadonan James Kroon i Nina den Heyer den kurso di aña pasá Kolegio Ehekutivo di Gobièrnu di Boneiru a disidí di asigná fondo pa asina por hasi trabounan di renobashon na e edifisio.

E fondo ta bin di e medionan ku Fundashon Wega di Number Boneiru tabatin reservá segun lei pa Entidat Publiko Boneiru pa e areanan di deporte, kultura i karitativo.

Den e area karitativo gobiernu di Boneiru a disidí pa pone e fondo disponibel pa renobashon di e edifisio di Sociedad San Antonio de Padua.

Sociedad San Antonio de Padua ta gradesido na gobiernu di Boneiru pa e aporte aki i un danki ta bai tambe na BOG n.v. ku tin e kordinashon di e medionan na su enkargo pa asina por realisá e proyekto importante aki pa e organisashon.

===========================================

BròKèS 93.5 ………… Skuch’é!