Un hóben di 18 aña ta hibando su mayornan korte paso nan a publiká mas ku 500 potrèt di dje riba facebook for di 2009 sin su pèrmit.
E hóben aparentemente a kansa ku su mayornan tabata nenga kita e potrètnan i awor ta buskando hustisia den tribunal.
E hóben ta konta ku apesar ku e tabata chikitu su mayornan a kuminsá publika potrèt di dje sin su pèrmit. Nan no tabatin ni bèrgwensa ni limite, nan no tabata wòri si e tabata trata di un potrèt di mi sintá riba wc òf sunú riba kama, kada etapa di mi bida nan a saka potrèt i a publiká, e hóben a bisa.
Tambe e ta bisa ku e por a mira e potrètnan ku nan a publika ora e tabatin 14 aña despues ku nan a krea su propio ret sosial p’e. Rabiá el a pidi su mayornan pa kita e mas di 500 potrèt ku nan a publiká mesora, pero nan a nenga.
E la puntra nan vários biaha den e último añanan, pero despues di tantu kontesta negativo el a sinti ku e no tabatin otro manera di konvensénan ku di hibanan korte. Kos ku el a hasi manera ku el a kumpli 18 aña.
Su abogado ta sigura ku nan tin bon oportunidat di gana e kaso, ya ku nan por mustra ku e imágennan ta viola su derechonan di un bida personal.
Si e mayornan pèrdè e kaso nan mester paga nan yu un kompensashon konsiderabel, entre otro un multa atministrativo di entre 3000 pa 10000 euro.
===========================================
BròKèS 93.5 ………… Skuch’é!
https://www.radio935bonaire.com
http://radio.garden/listen/bro-ke-s-93-5-fm-boneiru/a1YG6S77
https://www.basilachill.com/#!radio/radiobrokes
.png)
