Entrante promé di yanüari 2023 suèldu mínimo i tur benefisio sosial ta oumentá na Hulanda Karibense.
Ayera djaluna 28 di novèmber 2022, minister di Maneho di Pobresa, Partisipashon i Penshun a anunsiá e sumanan konkreto.
Lo oumentá e suèldu mínimo ku 18,2 porshento na Boneiru, 14,3 porshento na Sint Eustatius i 15,0 porshento na Saba.
Pa un trahadó di 21 aña òf mas, esei ta pa un siman di trabou di 40 ora ekivalente na un entrada mínimo di $ 1.236 pa luna na Boneiru, $ 1.446 na Sint Eustatius en $ 1.434 na Saba.
Ku esei trahadó ku ta gana suèldu mínimo ta bai alrededor di $ 180 pa $ 190 pa luna dilanti.
Kompensashon pa yu;
Tur mayor i kuidadó ta risibí den 2023 alrededor di $ 30 mas na kompensashon pa kada yu pa luna. Ku esei e kompensashon pa luna pa kada yu ta bira na Boneiru $131, Sint Eustatius $ 128 i na Saba $ 129 pa luna.
AOV
Grandinan ta risibí den 2023 un penshun básiko mas haltu. Esaki ta subi ku alrededor di 39 porshento na Boneiru, 23 porshento na Sint Eustatius i 31 porshento na Saba. Esaki ta nifiká ku un penshonado ku AOV konstruí kompletamente na Boneiru ta risibí $ 1.047 pa luna. Na Sint Eustatius i Saba esei ta $ 1.113 i $ 1.175.
E asina yamá ‘duurtetoeslag’ ku esun ku derechi di AOV ta risibí na Islariba ta inkluí den esaki.
Ku esaki ta oumentá e AOV di forma aselerá na e nivel di e punto di referensia mínimo sosial. Esnan ku derechi di AOV na Boneiru, Sint Eustatius i Saba den 2023 ta bai respektivamente $ 295, $ 151 i $ 204 pa luna dilanti. Pa pareha e suma ei ta dòbel.
Ònderstant; Oumento konkreto di e ònderstant ta dependé di e situashon di kas di famia. Ònderstant pa soltero ku ta biba independiente ta suma entrante 1 di yanüari 2023, $ 413 pa kinsena na Boneiru, $ 487 na Sint Eustatius i $ 483 na Saba. Esei ta un subida di alrededor di 35 porshento, ku kua un soltero ta bai dilanti ku alrededor di $ 110 pa $ 120 pa kinsena.
Pa pareha ku ta biba independiente e ònderstant ta $ 571 pa kinsena na Boneiru, $ 668 na Sint Eustatius i $ 662 na Saba. Esei ta un subida di 36 porshento promedio, ku kua parehanan den 2023 ta risibí pa kinsena alrededor di $ 160 pa $ 170 mas. Ta oumentá e montante básiko di e ònderstant ku solamente e inflashon i ta resultá na Boneiru na $ 216, na Sint Eustatius i Saba na $ 254 i $ 252.
=========================================== BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio
.png)
