top of page
ggzsjjg.png

Subida di suèldu mínimo i kompensashon na Hulanda Karibense entrante promé di yanüari 2023

Entrante promé di yanüari 2023 Ministerio di Asuntunan Sosial i Empleo ta oumentá e suèldu mínimo na Boneiru, Saba i Sint Eustatius ku respektivamente 18,2 porshento, 15 i 14,3 porshento. Esaki ta inkluso un korekshon di inflashon. Banda di esaki minister Carola Schouten (Maneho di Pobresa, Partisipashon i Penshun) ta subi e montante di kompensashon sosial manera penshun di AOV i Ònderstant entrante promé di yanüari 2023 riba e inflashon. For di e punto di bista di e importansia pa kombatí pobresa e kompensashon sosial aki ta subi mas ku e suèldu mínimo legal.


Ta oumentá penshun di behes AOV entrante promé di yanüari 2023 den un solo biaha na e nivel di e punto di referensia pa mínimo sosial, ku inisialmente tabata aspirá pa yega na 2025.


Ònderstant i penshun di viuda i wérfano (AWW) ta subi ku 22.2 porshento na Boneiru. Na Saba i Sint Eustatius ta subi e Ònderstant i AWW ku 19,7 porshento i 19 porshento. Pa loke ta trata e Ònderstant e subida por varia pa e diferente tipo di kas di famia. E por kai mas haltu òf mas abou ku bista riba e diferensiashon di tipo di kas di famia konforme e punto di referensia pa mínimo sosial. Asina e montantenan di ònderstant pa esun ku ta biba independiente i pareha ta subi mas, di manera ku e montante pa e situashon di kas di famia aki ta yega e proporshon deseá pa loke ta trata e suèldu mínimo.


Mayor i kuidadó ta haña mas kompensashon pa yu na 2023. Tantu na Boneiru, Saba komo Sint Eustatius e kompensashon pa yu pa kada mucha te ku 17 aña ta subi ku 20 dòler pa luna. Ta publiká e resúmen ku e montantenan eksakto di suèldu mínimo legal i kompensashon sosial den 2023 riba término korto.


Drecha seguridat di eksistensia

Den e akuerdo di gobernashon gabinete a indiká ku pa Hulanda Karibense e prioridat ta bai na drecha e perspektiva ekonómiko. E subida di suèldu mínimo na Boneiru, Saba i Sint Eustatius ta mas grandi ku e konseho di partnernan sosial den e Diálogo Sentral, pero mas moderá ku ta deseá ku bista riba yega na e punto di referensia pa mínimo sosial den 2025. Kousa di esaki ta inflashon drástikamente haltu. Minister Carola Schouten den un karta pa Tweede Kamer: “Ku e pasonan aki mi a purba buska balansa entre e diferente interesnan, ku di un banda ta pa dominá e gastunan pa dunadó di trabou den un tempu ku inflashon ta eksepshonalmente haltu i di otro banda e interes pa realisá e punto di referensia pa mínimo sosial, ku bista riba kombatí pobresa. Mi ta konsiente ku e resultado aki i ku esei tambe e peso pa dunadó di trabou ta nifiká un reto adishonal. For di e interes pa kombatí pobresa mi ta skohe ora ta trata di subida di e kompensashon sosial pa no sigui ku e desaroyo usual di e suèldu mínimo legal, pero pa bai un stap mas leu entrante promé di yanüari 2023.”


===========================================

BròKèS 93.5 ………… Skuch’é!

3 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page