Studiantenan di MBO Bonaire ta lansa promé foodbike di SGB

Den kolaborashon ku studiantenan di e sektor di konstrukshon, studiantenan di promé aña di e estudio MBO Kòki a renobá un ‘foodbike’ pa uso na MBO Bonaire. Próksimo simannan tur djabièrnè e studiantenan di kòki ta bende lùnch for di e foodbike ku ko-studiante- i empleadonan di mbo. Ta usa sèn ku e benta generá pa un aktividat profeshonal ku e klas.

E proyekto ta konektá ku e enseñansa profeshonal práktiko di MBO Bonaire. Ku kolaborashon di Tim Tromp, empresario lokal di Fat Dog, e studiantenan ta organisá e lùnch di A te Z. Hasi kompra, kalkulá loke ta kosta pa prepará e kuminda i fiha preis di benta. E benta tambe ta den man di e studiantenan mes. Asina e studiantenan ta siña mas tokante promoshon di nan produkto i kontakto ku kliente.

Tur siman e studiantenan ta pensa un plato nobo. Djabièrnè siman pasá tabatin un pokebowl riba menú, inventá pa e studiante Nicole Pedersen: “Mi ta bastante orguyoso ku mi idea pa un pokebowl ku salmou i tuna a resultá un éksito asina grandi.”

E lùnch di foodbike a kaba denter di 30 minüt.

===========================================

BròKèS 93.5 ………… Skuch’é!