Ku un paso signifikante pa mehorá konservashon di medio ambiente i enrikesé partisipashon di públiko, STINAPA Boneiru ta anunsiá instalashon di dos toren di vigilansia na Sorobon i Lac. E torennan ei, ku tin un funshon dòbel, no solamente lo mehorá kapasidat di rangernan dediká di STINAPA pa patruyá e bahia, sino lo ta aksesibel tambe pa públiko, ofresiendo oportunidat sin igual pa sightseeing i opservashon di para.
Akseso públiko na Bunitesa di Naturalesa:
E torennan di vigilansia di dos piso, ku ta ofresé bista panorámiko di un banda pa e otro banda di e bahia, lo brinda un punto di bista úniko pa bishitante. Sea gosando di e bunitesa eséniko di Boneiru su kosta òf opservando e bida riku di para, e torennan ei tin e ophetivo pa krea un konekshon perfekto entre komunidat i e isla su maravianan natural.
Ekspertisio lokal na trabou:
STINAPA Boneiru a konfia konstrukshon di e torennan di vigilansia na e kontratista lokal TecGroup, un testimonio di nos kompromiso pa sostené komunidat. 10 di òktober ta pone fundeshi, prefabriká, na Sorobon i na Lac, otro siman.
A traha e torennan mes na Hulanda usando palu resistente kontra wer. Esaki ta sigurá durabilidat frente Boneiru su kondishonnan di klima duru. A skèdjel e proseso di instalashon pa fin di e siman akí na Sorobon i fin di otro siman na Lac.
Lac Pa Semper
E torennan di vigilansia ta parti di un proyekto mas grandi di ‘Lac Pa Semper’, ku ta enfoká riba restorashon di habitat i uso sostenibel na bahia di Lac. E proyekto akí ta risibí fondo di The Caribbean OCT’s ‘Resilience, Sustainable Energy i Marine Biodiversity Programme’ (RESEMBID), un programa di €40M finansiá pa Union Europeo i implementá pa Expertise France, e agensia di kooperashon di Fransia. Ademas di e torennan di vigilansia aki, e proyekto ta inkluí tambe un kriadero di koral, parti di Reef Renewal Foundation Bonaire, restorashon di yerba di laman , un reevaluashon di zonificashon den e bahia, inklushon di dos ranger dediká na bahia di Lac i tambe a inkorporá un boto nobo “Reina Karko” na e fleta di STINAPA.
"Deskubri e maravianan di bahia di Lac ku nos último inkorporashon – dos toren di vigilansia. Ofresiendo bista panorámiko, e torennan ei ta brinda bishitante un oportunidat eksklusivo pa presensiá e bida vibrante di nos refnan di koral, e kamanan ekstenso di yerba di laman, i e místika di pal’i mangel.” – Judith Raming, Marine Park Manager.
BròKèS 93.5 ………… Skuch’é!
.png)
Comments