top of page
ggzsjjg.png

STINAPA a Selebrá Dia di Mama Tera ku Éksito di 'Proyekto Parke Bunita' Ku Inougurashon di un Ruta Nobo pa Kana den Slagbaai

Riba 22 di aprel 2024, STINAPA a selebrá Dia di Mama Tera dor di kompartí e logronan di 'Proyekto Parke Bunita' na Parke Washington Slagbaai.

E evento importante akí a mustra e progreso den restorashon di e bunita naturalesa i biodiversidat ku tin den parke. Tambe a hasi e inougurashon di un área nobo di reforestashon i un ruta nobo pa kana.



E selebrashon a kuminsá ku diskursonan di Pierre Perigault Monte, Presidente di STINAPA, kende a kompartí e orígen, esfuersonan, i meta di e proyekto, siguí pa Paulo Bertuol, Líder di 'Proyekto Parke Bunita', ekspresando gratitut na tur ku a kontribuí i a presentá e resultadonan. Roxanne-Liana Francisca, Séniòr Manager di Konservashon,

a anunsiá e logro di un área di reforestashon nobo den e parke, yamá na nòmber di difuntu Paul Hoetjes, un visionario, defensor di naturalesa ku a hunga un ròl importante den esfuersonan di konservashon di STINAPA i protekshon di naturalesa na Hulanda Karibense.



Na un momentu emoshonal, Rene Hoetjes, ruman di Paul Hoetjes, a desvelá e área dediká na su ruman, suprayando su legado. Diputado Anjelica Cicilia tabatin e honor di kòrta e sinta i asina a hasi e inougurashon ofisial di e ruta 'Oliba Trail', e kontribushon nobo na ruta den Parke Nashonal Washington Slagbaai.



E meta prinsipal di 'Proyekto Parke Bunita' ta pa trese e mondi seku tropikal bèk i su biodiversidat. Un di e métodonan ta dor di saka kabritu invasivo for di parke. Kabritu ta konosí pa su kustumber di kome tur kos den su kaminda, espesialmente mata chikitu ku kaba di nase i esaki ta pone ku mata i palu nobo no ta haña chèns di krese bira grandi pa ora palu ku mata muri, no tin otro pa remplasá nan.


STINAPA ta dediká na restorashon di naturalesa pa preservá e biodiversidat enorme i úniko ku nos tin na Parke Nashonal Washington Slagbaai. STINAPA ta enkurashá tur hende pa bishitá e ruta nobo i pa kana mira e palunan i matanan nobo krese den e área.



BròKèS 93.5 ………… Skuch’é!


2 views

Commenti


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page