top of page
ggzsjjg.png

Stanley Brown konosido aktivista i polítiko a fayesé na edat 84 aña



lAyera djárason 16 di novèmber Stanley Brown konosido aktivista i polítiko di Kòrsou a fayesé na edat di 84 aña.

Ya tabata konosí ku pa algun tempu ku Brown tabata luchando ku su salú.


Stanley Brown a bira konosí na Kòrsou, Antia i Reino Hulandes en general ora ku e tabata un di e protagonistanan prinsipal den e lantamentu grandi di 30 di mei 1969, esaki huntu ku entre otro Wilson ‘Papa’ Godett i Amador Nita.



Popularidat di Stanley a subi mas, despues di a yuda funda i tambe tabata kandidato riba lista di partido Frente Obrero Liberashon 30 di Mei (FOL) liderá pa Papa Godett.

Pa FOL, Brown a okupá puesto komo konsehal/ parlamentario.


*****************************


Den e tempu ei Stanley tabata tabata tambe outor di e revista semanal Vito.


*****************************

Aki na Boneiru Stanley Brown su kara tabata konosí den e periodo di 1969 i añanan 70.

Entre otro Berown a sostené Broertje Janga kende huntu ku su Partido Obrero a kombiná lista ku Partido Progresista Boneriano Uní PPBU, e lista/ lema yamá 'Kombinashon Pa Kambio' kual a bira un di e kombinashonnan di lista mas konosí den historia polítiko di Antia Hulandes.


*****************************

Partido C93/ Kòrsou Provensia di Hulanda.

Añanan despues den dekada 90, Stanley Brown a kuminsá ku boga insistentemente pa Kòrsou bira provensia di Hulanda, kual tabata tambe un di e opshonnan ku tabatin den mas ku un referendum ku tabatin riba islanan di Antia Hulandes. Den intento pa logra su vishon i meta Stanley a funda e partido polítiko C93, ku kual el a tuma parti na vários elekshon pero sin logra e resultado deseá.

*****************************

Stanley tabata kasá ku Annemarie Braafheid, un persona tambe basta konosí den komunidat, esaki komokiera ku na aña 1968 el a sali promé finalista di Miss Universo.

FOTO; Stanley Brown i su esposa Annemarie Braafheid huntu ku Robert Sances, presidente di ABVO seshon Boneiru, djaluna último 15 novèmber na okashon entiero di otro konosido sindikalista Hubert 'Bèbè' Rojer.


*****************************

Pa mayoria parti di su bida kasi niun hende no por imaginá, un Stenley Brown sin kabei i barba largu òf no bistí na dashiki, di kual e tabatin tur sort'i modèl.

Kondulensia i forsa na tur famia i demas konosí di Stanley Brown, i pas na su alma.




17 views

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page