Despues di trabounan den e promé fase a keda kla, Boneiru a risibi bishita di representantenan di Concacaf ku na promé lugár, a bini pa inspekshoná e tapeit di yerba nobo i despues e potensia di e lusnan ku a keda añadí. E representantenan di Concacaf a keda impreshoná ku e efisiensia di e trabounan i e kalidat.
Despues di e bishitanan aki, e representantenan di Concacaf, a duna nan aprobashon pa tantu e yerba artifisial nobo ku awor ta aprobá oa FIFA i kalidat di lusnan. Pa loke ta trata e lusnan, e nan a bisa spesífikamente, ku ta promá biaha nan a risibí un reporte di e kalidat di lusnan asina profeshonal i korekto hasí. E mínimo potensia rekerí pa Concacaf pa transmishon di wega via televishon, ta 1000 lux. Den stadion Antonio Trenidat awor aki tin lusnan LED ku tin potensia promedio di 1150 lux. Den su totalidat Concacaf a deklará ku e stadion, ta na di tres lugá den Karibe, despues di Trinidat & Tobago y Republika Dominikana.
Na momentunan aki trabounan den e di dos fase ta kontinuando, kreando un bar i kushina nobo, kamerin, stént pa kamara di televishon i un poste pa e scoreboard nobo ku ta na kaminda.
Diputado Kroon a deklará di ta hopi kontentu i satisfecho kon tur e proseso a kana y ku awor poko poko pero sigur e resultado a kuminsá bira visibel pa un y tur. Nos a hasi esaki pa desaroyo di deporte en general, pa duna pueblo boneriano oportunidat pa disfrutá di partidonan di futbòl tantu local komo internashonal aki na Boneiru mes.
Diputado Kroon a sigi bisa ku awor ku Stadion Antonio Trenidat ta na nivel pa hunga weganan internashonal, ta nesesario pa nos tur yuda kuida esaki. Den e kuadro aki, nos ta trahando riba un otro tereno pa e dos ekiponan ku ta train den stadion Antonio Trenidat, haña un otro tereno pa training. Esaki ta nifiká ku Stadion Antonio Trenidat, lo keda pa weganan ofisial di kampeonato di FFB i torneonan internashonal.
Diputado Kroon ta gradisí un i tur ku a hinka skouder bou di e proyekto aki.
===========================================
BròKèS 93.5 ………… Skuch’é!
.png)
Comments