Hefe di e Servisio di Imigrashon i Naturalisashon (IND) na Boneiru Sra. Sealy, a ser nombrá pa Representante di Reino interino Jan Helmond komo Gezaghèber interino remplasante di Boneiru. Den kaso ku Gezaghèber interino Sr. N. Oleana no ta presente, Sra. Sealy ta drenta den funshon.
Nombramentu
Representante di Reino interino Jan Helmond despues di a konsultá ku Konseho Insular a nombra Sra. Sealy komo Gezaghèber interino remplasante. E prosedura pa huramentá ya a tuma lugá na ofisina di e Representante di Reino. Komo Gezaghèber interino remplasante, Sra. Sealy lo drenta funshon na momentu di ousensia di Gezaghèber interino Sr. N. Oleana, ku tur outoridat legal ku ta pertenesé na e funshon di Gezaghèber. Esaki ta garantisá kontinuidat di e funshon di Gezaghèber.
Tokante Ingrid Sealy
Ingrid Sealy a nase na Hulanda i a krese na Boneiru. El a studia kriminologia na Vrije Universiteit van Amsterdam. El a haña su eksperensia den reclassering, kuido pa hubentut i asistensia ambulante, siguí pa diferente funshon di maneho tambe entre otro dentro di Entidat Públiko Boneiru. Aki el a haña eksperensia tambe den e organisashon di krísis. Na e momentonan aki e ta ehersé e funshon di hefe di unidat di IND na Boneiru i lo sigui hasi esaki. Ademas di su eksperensia profeshonal e tin atenshon pa loke ta pasa den komunidat i mehorashon pa tur hende ta su motivashon.
Kolaborashon
Representante di Reino Jan Helmond a ekspresá su konfiansa ku e palabranan;
“Ku Sra. Sealy, Boneiru tin un Gezaghèber interino remplasante fuerte i entusiasmá. Mi ta spera riba u bon kolaborashon.”
BròKèS 93.5 ………… Skuch’é!
.png)
Comments