top of page
ggzsjjg.png

Spiritu ta Flòsh WC. ' E Aventuranan Di Onnie Ta Kontinuá Ketu Bai.

E aventuranan di Onnie Emerenciana ta kontinuá, e biaha aki ta "Spiritu Den WC'.


Aki ta sigui otro di e aventuranan di Onnie Emerenciana, kual nos di BròKèS 93.5 ta kompartí ku nos skuchadónan. Fuera di hasi algun korekshon ‘ortográfiko papiamentu’, manera semper nos ta trata pa mantené e kontenido mas original posibel, esei ta pone ku nos ta skohe pa entre otro no eleminá e ‘palabranan pika’. No lubidá ku den tipo di situashonnan ku Onnie ta pasa den, pa Santu ku un hende por ta, ta kasi imposipel pa bo keda sin lòs ‘dos tres grandi’. Na radio nos ta refiná nan un poko, pero aki riba nos wèpsait e ta stret stret.


NA KONTINUASHON E AVENTURA MAS RESIEN DI ONNIE;


Awe m’a kere ta spiritu tin den kas.

Mi tabata para den porta di baño i e wc so a hala. Mi a drei wak e kònòpi pa hala wc ku ta hopi forsa bo mester tin pa push’é pa e flòsh, i mi a pensa ‘esaki si ta un spiritu ku ta hisa peso, òf e bishita aki a kaba di kaka i el a flòsh e wc!

Mi no por a kere ku e spiritu ta bin nèt mi kas bin hasi un kos asina.

E mester ta plegá. Komo ku lus tabata sendé, mi no a bisa ‘pia pa kiko mi tin bo’?


Mi a keda para pensa kon e wc su so ku su so a flòsh. Ta p’esei e ‘rekening’ di awa a bin haltu asina pasó ta spiritunan ta bin hode kaka na mi kas.


'Ai den mi pepe hòmber', tur kaminda pa kaka eifo ta nèt na kas di Onnie bo ta bin pupu.

Awó ei mes mi kurpa a kue kippenvel pasó mi di ‘e koño ta serka mi den baño’.

Mi a kuminsá koba mama sin mi serikòrdia, pasó nan di ora bo zundra e spiritu ta bai.

Mi tin un rosario na porta di mi kamber i m’a sali na kareda bai kue pa mi bisti’é.

Nèt e ora ei e wc a bolbe flòsh, m’a manda un sèt di mama na grandi ku bòshi palabra sushi su tras.


Den sala Toby tabata wak televishon i el a kore bin wak kiko ta pasami ku mi ta grita palabra malu den kas. Mi di kuné keda den sala pasó nos kas ta ‘Haunted’, mi no por a haña un otro palabra pa bis’é na e momentu ei.


Ami a sali bai den bukinan wak ku mi no por haña un beibel pasó kon mi te drumi ku un spiritu den kas? Toby ku tabata kurioso a bai wak den baño.

E di kumi bin wak, ami a haña un tèstamènt bieu i a kuminsá blader den dje, pa kolmo mi no konosé niun hende ku ta ‘monta’ aki na Boneiru.

Yen kos tabata pasa den mi kabes, hasta m’a pensa ku ta e hendenan ku mi topa riba kaya ku sa puntrami ‘konta ku e spiritunan’ ta tin algu di haber ku e kos aki.


Mi a bai wak kiko Toby ta ke!

E di: Pa, ta wak kiko mi ta wak?

Ami a bira wak e kònòpi ku ta flòsh.

Toby tabata papia pokopoko, manera e tabata kla pa kore bai. Mi a bira nèrvioso kere ta e spiritu el a wak, M’a dal man pone na mi pechu, kue e rosario tene i kuminsá bisa ‘nos Tata ku ta na shelu, baha bin AWOKI DEN MI KAS, BIN YUDAMI SAKA E DEMOÑO AKI FO’I MI KAS!!! Mi kaka a bira Tody Tody,

Djei Toby di ‘Nò Pa’ Mira ariba, Pa, ta wak loke mi ta wak???

Ora ma wak m’a mira asina un sapu grandi.




Ku e tenshon den mi kurpa, ami ku Toby a sali fo’I wc (despues ku mi a filma i saka pòtrèt di e sapu)Sera .... shit koriente a bai nèt awoki! M’a sera e porta di baño i nos a bai drumi.

Mañan mi ta bai atendé ku e sapu sino ku mi atendé kuné awoki, mañan mi mester kumpra pòchi di wc nobo, tanki di wc nobo, un palu di basora nobo i porta, WEB tambe lo mester yama pa bin drecha e leiding di awa promé mi mata e demoño ei.



BròKèS 93.5 ………… Skuch’é!

22 views

Commenti


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page