top of page
ggzsjjg.png

Spich di Sr. Leonard Domacassé, Direktor Gerente General Maduro & Curiel’s Bank (Bonaire) N.V.

Spich di Sr. Leonard Domacassé, Direktor Gerente General Maduro & Curiel’s Bank (Bonaire) N.V.

Bonaire, 8 di desèmber 2022


Invitadonan, representantenan di “PONY League (Protect Our Nation’s Youth)” i “Bonaire International Art & Talent Academy (BIATA), Amigunan di Prensa, koleganan, Bon nochi, bon biní, i danki pa a aseptá nos invitashon pa ta un ratu huntu awe nochi.


Pa hopi aña tradishonalmente nos ta bini huntu fin di aña, pa mustra apresio na nos Prensa Boneriano i alabes otorgá nos Premio Anual di Mérito. Aña pasa esaki a sosodé den un forma adaptá, naturalmente pa motibunan konosí. Nos ta hopi kontentu ku nos por a bini huntu atrobe, pa MCB un aña hopi importante selebrando su di 60 aniversario.


Durante e 60 aña aki, MCB a krese sam sam ku Boneiru, ku e meta pa no solamente kumpli ku e nesesidatnan finansiero na nos isla, pero pa ta den TUR sentido, un palanka pa stimulá progreso balansá di nos komunidat Boneriano.


Banda di su aktividatnan komersial, durante e 60 aña di su eksistensha, MCB i su personal a kontribuí kontinuamente na bienestar di nos komunidat, i nos Banko semper ta pará kla pa yuda inishativa nan ku merese esaki. Tambe nos mes ta organisá diferente aktividat, manera e Premio Anual di Mérito, kaminda nos ta duna rekonosementu na organisashon nan lokal ku a destaká.


Den e espíritu ey mes, nos a selebrá e aniversario aki huntu ku nos komunidat. Manera hopi di boso lo a mira, for di kuminsamentu di aña nos ta selebrando ku boso, ku diferente kampaña i aktividat speshal. Un danki di kurason na tur nos klientenan i partnernan ku a perseverá pa huntu nos sigui traha pa desaroyo di Bonaire.


Tambe mi ke gradisí nos empleadonan, pa e forma ekstra-ordinario ku huntu nos a enfrentá tur reto. Ta nos koleganan aktual i anterior a konstruí nos organisashon fuerte pa por sirbi nos komunidat.


I awor pa loke nos a bini awe, nos Premio Anual di Mérito. Ku e premio aki nos ke iluminá kosnan positivo ku ta tuma lugá den nos komunidat, pa duna rekonosementu i stimulá gruponan ku ta duna un aporte importante. Mi mester bisa ku e lista di organisashon na Boneiru ku ta sobresalí ta largu, i tur aña e ta keda difísil pa skohe.


E manera ku nos ta hasi esaki ta kaminda nos koleganan ta hasi nominashon di diferente organisashon ku a destaka durante di e aña ku a transkurí, i despues un votashon ta tuma lugar pa jega na e ganador.


Awe nochi nos lo honra dos organisashon Boneriano ku ta destakándo ku nan trabou, boluntario, na benefisio di nos komunidat. I kiko ta mas miho ku laga e grupo nan aki mes introdusi nan organisashon, duna un idea di tur loke nan ta hasiendo, boluntariamente, na benifiso di nos komunidat.


Donashon!!!


I last but not least, nos kier a ekspresá nos apresio na nos amigunan di Prensa, pa Boso trabou inkansabel pa tene nos komunidat semper bon informá. Na nòmber di Maduro & Curiel’s Bank, masha danki pa Boso aporte na nos isla i e sosten di semper.


Na nòmber di nos Banko i tur mi koleganan, un biaha mas masha danki pa Boso presensia, i tur bon deseo pa dushi dianan di fiesta. I nos kier a konkluí ku un bunita presentashon visual di nos aktividatnan i selebrashon durante di e aña ku a transkuri, deseando Boso tur Bon Pasku i Felis Aña Nobo!


===========================================

BròKèS 93.5 ………… Skuch’é!

8 views

댓글


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page