Sociedad San Antonio de Padua a kumpli 99 aña di eksistensia

Dia 1 di novèmber último Sociedad San Antonio de Padua a kumpli 99 aña di eksistensia. Dia 1 di novèmber 1924 un grupo di pionero a bini huntu na Rincon i a kuminsa ku e sosiedat. E meta di e organisashon ta pa sòru pa e entiero di su miembronan. Sociedad Antonio de Padua ta un asosashon ku ta duna relato na su miembronan durante reunion general di miembro.

E echo ku e organisashon por a kumpli 99 aña di eksistensia ta pa motibu ku su miembronan ta kumpli ku nan deber di paga kontribushon di manera ku sosiedat por kumpli ku e miembro ku fayesé. Esaki ta sosodé den forma di solidarismo di e miembronan ku otro pa asina por kubri gastunan di entiero di esun ku fayesé.

Tur djadumingu di 9’or pa 12’or ofisina di sosiedat ta habrí pa miembronan por paga kontribushon. Direktiva ta spera ku miembronan ta sigui kumpli ku nan deber di paga kontribushon pa asina evitá ku nan ta pèrdè derecho. Djadumingu durante e oranan di

ofisina personanan ku ta interesá por haña informashon tokante e posibilidat pa bira miembro.

Direktiva di Sociedad San Antonio de Padua ta felisitá miembronan ku e 99 aña di eksistensia di nan organisashon.

Direktiva ta sigui traha pa garantisá e adelanto di Sosiedat pa e por hasi 100 aña dia 1 di novèmber 2024 kumpliendo ku tur lei i regla komo un organisashon moderno den nos komunidat.

BròKèS 93.5 ………… Skuch’é!