Awe djasabra atardi den wega bálido pa kampionato ‘Concacaf Nations League’, por bisa ku simplemente e selekshon di Sint Maarten tabata di mas pa nos onsena boneriano.
Ku e skor 6 -1 Sint Maarten a vense Boneiru
den e wega ku a tuma lugá den The Bethlehem Soccer Stadium aya na Sint Croix.
E úniko gol di Boneiru tabata anotá pa Guillermo Montero.
E hungadó G. Lake di Sint Maarten a skor na no ménos tres okashon(hat- trick)
inkluso un pinalti kual tabata tambe e di seis gol di e enkuentro pa su ekipo.
Un derota ménos sperá, sigur p'e echo ku te ku promé ku e partido
Boneiru tabata invikto, i tabatin mester di solamente un empate
pa klasifiká komo number unu di su grupo.
Mester menshoná ku pa un gran parti di e segundo tempu di e wega,
Boneiru a hunga ku dies hungadó, esaki despues ku Yurick Seinpaal a risibí karchi kòrá.
==================================================================
BròKèS 93.5 ………… Skuch’é!
.png)
