Dia 23 di novèmber 2022 Gòbièrnu di Boneiru huntu ku Reino ta organisá e simposio ‘Huntu kontra Pobresa’.
Atendementu ku pobresa na nos isla ta eksigí un impulso amplio, un aserkamentu integral i hopi informashon di tur stakeholder ku ta okupando nan mes ku pobresa na Boneiru.
E simposio ta un di un seri di paso ku ta bai tuma pa yega na un aserkamentu integral pa prevenshon, kombatimentu i mitigashon di pobresa na Boneiru. Durante e promé simposio akí konseheronan di maneho di Gòbièrnu di Boneiru, Asuntunan Sosial i Empleo (SZW) i e stakeholdernan ku ta direktamente enbolbí lo deliberá tokante e temanan entrada i gastu,
edukashon i trabou, i outosufisiensia. Aparte di esaki lo tin presentashon di oradónan ku hopi eksperensia riba tereno di kombatimentu lokal di pobresa, manera Akseso, Forma, ROA, Mental Health, Unicef, Munisipio Tilburg i NVVK.
Ku e promé simposio akí e organisadónan ke haña informashon pa realisashon di e maneho di pobresa pa Boneiru i prepará un konferensia ku lo tuma lugá na kuminsamentu di aña 2023.
Pa e konferensia menshoná lo amplia e esfuersonan, kaminda Gòbièrnu di Boneiru i Reino ta bai invitá tur interesado den e ekstenso vèlt di trabou pa huntu duna kontenido mas aleu na un aserkamentu integral di pobresa pa Boneiru.
===========================================
BròKèS 93.5 ………… Skuch’é!
.png)
Comentários