Djasabra último ACE Foundation a habri Siman Di Muzik Pa Mucha durante di e evento Nos Zjilea na Magazina di Rei.
E atardi a kuminsá ku palabra di direktor di ACE Foundation Segni Bernardina ku a splika ku e tema di e aña aki ta “Mi Kultura ta Uni-Ko”. Esaki ta un wega di palabra.
E tema di Siman di Muzik mester laga nos muchanan i nos mayornan komprondé ku kultura di Boneiru ta úniko, e ta uni nos. Durante di Dia di Rincon i Simadan bo por mira ku Boneiru ta un isla ku no ta importárasa koló religion ni nada tur hende por uni i traha huntu pa progreso di Boneiru.
Despues di palabranan i splikashon di Segni Bernardina a sigui palabranan di representante di Fundashon Wega di Number Bonaire, ku a kontrubuí pa ACE Foundation por a produsí dos video clip pa Siman Di Muzik Pa Mucha. Fundashon wega di number ta kontentu di por hasi esaki pa di tres aña konsekutivo.
Seguidamente direktor di MCB Bonaire señor Leonard Domacasse tambe a bisa ku nan ta aploudí e inisiativa pa bin ku mas muzik pa mucha i ta p’esei nan ta sostene e proyekto. Esaki ta di dos aña ku MCB Bonaire ta duna su aporte na Siman Di Muzik Pa Mucha.
Despues a sigui un tremendo show di ACE Tweens Club produsí pa Zoë Bernardina ku asistensia di Damari Alonzo, Berti Komproe i Jasir Gressmann. E show a kontené tur e shete kantikanan di e album Mi Kultura Ta Uniko.
Na final di Nos Zjilea, a presentá e di dos show bou di e título “E Kultura Di Awa
.png)
Kommentare