Sharon Hassell Nombrá Komo Gezaghèber Interino di Sint Eustatius

Djarason 10 di aprel 2024, representante di Reino interino Jan Helmond

a nombra i huramentá Sharon Hassell komo gezaghèber interino di Sint Eustatius.

Sharon Christina Hassell (58), ta un yu di e isla. El a nase i krese na Sint Eustatius.

For di 2022 e ta traha komo ‘Branch Manager’ na Maduro & Curiels Bank na St. Eustatius. Promé ku esei e tabata ‘Branch Manager’ di Windward Island Bank Ltd na Sint Eustatius.

Pa medio di su gran embolbimentu den komunidat

e konosé i tin bista di loke ta sosodé riba e isla.

Nombramentu;

Representante di Reino interino Jan Helmond, despues di a konsultá ku Konseho Insular di e isla, a nombra Hassell komo gezaghèber interino, pa periodo di un aña.

E prosedura di huramentashon a tuma lugá na e ofisina di gezaghèber na Sint Eustatius. Hassell, den ousensia di e gezaghèber Alida Francis, ta drenta den funshon ku tur e kompetensianan legal ku ta pertenesé na e funshon di gezaghèber.

Asina ta garantisá kontinuidat di funshon di e gezaghèber.

Representante di Reino interino Jan Helmond a ekspresá su konfiansa ku e palabranan: “Ku sra. Hassell, Statia tin un gezaghèber interino enbolbí.

Mi ta mira dilanti riba un bon kolaborashon.”

BròKèS 93.5 ………… Skuch’é!