Selibon ta sigui empoderá: “Masterclass Seguridat, Bienestar i Salú”

Selibon N.V. ta sigui empoderá su empleadonan. Den estrecho koperashon ku Bosch Arboadvies nos a organisá un Masterclass pa nos personal. Esaki a tuma lugá dos dia, durante kua 20 empleado a partisipá. Un Masterclass sumamente importante pa kada un di nos.

Pa medio di un bon interkambio di konosementu awor kada trahadó ta aún mas konsiente di e posibel riesgonan na trabou i lógikamente tambe kon pa atendé ku kada riesgo. Den e Masterclass a trata kada topiko pues tema relashoná ku Seguridat, Bienestar i Salú. Entre otro, karga físiko, faktornan ambiental, mákinanan i hèrmèntnan, Asistensia Empresarial, Strategia i maneho. Tur esaki a keda kubri. Kada trahadó por apliká e konosementu atkerí, sea na ofisina, na Lagun òf den garashi.

“Ku e peligernan identifiká, awor nos por kuminsá traha. Pa medio di medidanan pa redusí òf eliminá e peligernan”, ta palabranan di Barbara van den Bosch representante di Bosch Arboadvies.

Na novèmber 2023 lo kontinuá ku e Masterclass. Tambe tin chèns pa mas kolaboradó partisipá na e Masterclass. Di e forma aki tur hende lo konosé Arbo i e sosten ta bira mas amplio. Un aspekto importante ta e evaluashon di e riesgonan identifiká, ku lo tuma parti tambe den novèmber.

Komo kompania responsabel nos ta keda invertí den nos hendenan. Nos ta keda organisá enkuentro, treinen i masterclass pa empoderá kada trahadó.

BròKèS 93.5 ………… Skuch’é!