top of page
ggzsjjg.png

SELEBRANDO SESENTA AÑA DI SERVISIOWEB TA KONMEMORÁ 60 AÑA DI KRESEMENTU


E luna aki, Water- en Energiebedrijf Bonaire (WEB), Nos kompania di utilidat pa awa , elektrisidat i tratamentu di awa di kloaka, ta selebrando ku orguyo su di 60 aniversario. Fundá na Hato sesenta aña pasá, WEB ta proveé servisionan esensial pa e komunidat di Boneiru.


Un seri di eventonan di selebrashon

Pa konmemorá e echo importante aki, WEB ta organisá un seri di evento, kada un ta pone lus riba un aspekto diferente di e trayektoria di e kompania i su vishon pa futuro.

Honra Pasado: E selebrashon a kuminsá ku un anochi spesial pa reflekshoná riba pasado i rekonosementu. WEB a honra su penshonadonan, rekonosiendo nan kontribushon balioso pa kresementu di e kompania. E intenshon di e evento tabata tambe pa inspirá e generashon hóben ku estreno di un dokumental traha pa Fundashon Historiko Boneriano (FUHIKUBO), selebrando e historia riku di WEB.


Selebrando e Presente: E di dos evento lo ta un dia di famia na honor di e empleadonan di WEB pa nan trabou duru i dedikashon. Rekonosiendo ku e individuonan aki ta e pilar di e kompania, lo selebrá nan kompromiso kontinuo i apoyo durante e evento aki huntu ku nan famia.


E dia di aniversario, 27 di novèmber, lo ta un okashon festivo na ofisinanan di WEB. Tantu empleadonan komo klientenan ta invitá pa uní na e selebrashon durante oranan di ofisina, selebrando e dia importante aki huntu.


Mirando pa dilanti: E evento final, e Konferensia di Utilidat yama “Collaborative Utility Conference Bonaire “ planiá pa dia 28 i 29 di novèmber, lo enfoká riba futuro. E konferensia aki tin komo ophetivo pa eksplorá ideanan nobo i e strategia pa e sektor di utilidat i garantisá ku WEB lo sigui ta lider den suministro di servisionan sostenibel i konfiabel na Boneiru.


Un Kompromiso pa Kresementu Sostenibel

Miéntras WEB ta selebrando 60 aña di servisio, e kompania ta keda komprometé na kresementu sostenibel i inovashon. E inisio di WEB

for di un operashon chikí na Hato a krese i bira e kompania ku e ta awe i atrabes di añanan a demostrá resiliensia, adaptabilidat, i dedikashon na e komunidat ku e ta sirbi.


Tokante WEB

WEB a keda fundá riba 27 di novèmber 1963, WEB ta e piedra fundamental di servisionan di utilidat di Boneiru, suministrando produkshon i distribushon di awa, distribushon di elektrisidat, i tratamentu di awa di kloaka. Ku enfoke riba sostenibilidat i inovashon, WEB ta dediká na sigurá e kalidat mas haltu di servisionan pa e residentenan i negoshinan na Boneiru ku un tim di 160 empleado.

BròKèS 93.5 ………… Skuch’é!

4 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page