top of page
ggzsjjg.png

Segun Robby Beukenboom Lider di Frente Sosial Progresivo (FSP), Kasi Un Aña Despues Ku Gobièrnu Demokrat, M21, Vrolijk A Sinta Nos Isla Ta Sin Rumbo

Nos a duna sufisiente tempu na e gobièrnu ku aktualmente ta sintá pa asina no duna muchu argumentu pa desbaratá nos opinion riba e aktual gobernashon.

Nos a warda shen dia i a keda spera ku pronto lo a presentá un programa di gobernashon na Konseho Insular pa debatí riba esaki i despues di eventualmente sierto adaptashon e dokumentu aki por a wordu aseptá pa tur nuebe miembro di eilandsraad. Lamentablemente kasi un aña despues ku gobièrnu a sinta nos isla ta sin rumbo komo ku e programa ku mester ta e kompas den gobernashon no tei.



Den banki di oposishon konstantemente tabata pidi pa haña e liña di maneho di gobièrno, awó nos tin un gobiernu sin pariba ni pabou. Durante un tempu basta largu e aktual diputado mayó (Abraham) a hiba un oposishon di bati kibra i asta a bisa bon kla kon e kosnan mester ta.

Pues un sabelotodo ku semper tabata mas sabí ku tur hende i ku a duna pueblo e speransa ku ora su persona drenta gobiernu kos lo drecha, porfin pa di tres biaha e ta bolbe haña stul di mandatario pa e traha i demostrá ku e si por i drecha su imagen despues di su frakaso komo diputado na dos okashon.

 

Nos a tuma tempu i pone algun di e kritikanan ku e aktual diputado mayó huntu ku dos kolega mandatario ku libremente por wordu yamá mucha mandá komo ku nan no tin nada di bisa. Tambe ta asina ku diputado mayó tin tur sinku miembro di Konseho Insular kontrolá via un boton ku e ta primi (kontròl remoto) i ta bisa esakinan kiko mag papia i hasta kon mester vota.

 

Laga nos refreská pueblo su memoria i kuminsá ku un lei di trafiko ku e aktual diputado mayó a sapatiá i a bisa ku entre otro glas skur i e margen di alkohòl ku un hende mag tin ora esaki ta partisipá den tráfiko no ta hustu.

E politiko aki hasta a bai serka doñonan di bar i pidi pa manda karta di protesta pa gobiernu bisando ku e lei aki ta hasi daño na nan negoshi.


Regularmente notisia di polis ta bisa kuantu kaso di hende ku beter aden tras stür a wordu verbalisá. Asta ta asina ku morto a kai i hues a mustra riba e peliger ku bebe i stür ta trese kuné . Awó ku e politiko ku a sapatiá kontra e lei nobo di tráfiko aki a haña poder el a lubidá tur esnan ku el a primintí ku e lo sòru pa kambia kos.

Ketu bai Polis ta kita reibeweis i shofùrnan ta kai será sin esun ku a primintí ku lo suavisá e lei aktual, a hasi algu na eseaki.


Ainda departamentu di trafiko no a kuminsá kontrolá glas skur, pero tardi o tempran esaki lo tuma lugá. E pregunta di hopi hóben ta: Ki dia e politíko ku a priminti ku e si por kambia kos ta kambia e lei di tráfiko? A hunga popular ku glas skur lo bira posibel pero e lei ta ketu bai riba mesa, no warda ora ku ta lat pa sali grita atrobe, bai eilandsraad ku bo mayoria i kambia lei, awo ta ora di hasi, a papia basta kaba.

9 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page