Direktor di BIA Maarten van der Scheer, durante e promé Bonaire Tourism Update pa aña 2024 , organisá pa TCB, BIA i BONHATA a trese dilanti ku a konstatá un oumento remarkabel di e kantidat di buelo i pasahero for di Nortamérika:
Segun van der Scheer; “Nos esfuersonan konhunto pa atraé mas tráfiko aéreo for di
Nort Amérika a duna hopi bon resultado. Asta den un ambiente sumamente kompetitivo nos a logra oumentá e kantidatnan akí den liña ku e Plan Stratégiko pa Turismo.
Den e promé kuartal e kantidat total di pasahero na Aeropuerto Flamingo a subi ku 6,8% kompará ku e mesun periodo na aña 2023. E kantidat di pasahero internashonal a subi ku 7,8%, miéntras ku e kantidat di pasahero entre e islanan a oumentá ku 4,3%.
Mas aleu e direktor di BIA ta bisa; Resientemente nos a inougurashon di un kapa pa tapa solo i áwaseru na momentu di yegada, un proyekto pa mehorá eksperensia di pasahero.
E aña akí nos plan ta pa ehekutá diferente proyekto di mehorashon, entre otro konstrukshon di un parke solar, realisashon di un sistema nobo di iluminashon na aeropuerto i instalashon di rutanan nobo di siguridat.”
BròKèS 93.5 ………… Skuch’é!
.png)
Comments