top of page
ggzsjjg.png

Segun Lider Polítiko di Union Patriótiko Boneriano; Fundashon Mariadal Meresé Sosten

Na opinion di James Kroon líder polítiko di Union Patriótiko Boneriano (UPB), krítika fundá ta unu pero mala fe i inteshon pa kibra kos ta totalmente otro kos.

Pa basta tempu mi a keda ketu i mira kon diferente atake struktural ta keda lansá den direkshon di Fundashon Mariadal.


Kroon ta bisa di a keda ketu pa mira di unda e bientu ta supla i awor a mira kiko ta e intenshon. Polítikonan di mala fe a harma un atake struktural pa kibra e organishon Mariadal pa interes nétamente komersial. Ta basta tempu tin diferente petishon i preshon di invershonistanan komershal na Boneiru pa kuminsá servisio den kuido na Boneiru. Boso saka boso sòm. Naturalmente si no kibra servisio di Mariadal anto lo no tin motibu pa otorgá pèrmit di servisio den kuido na institutonan netamente komershal. Marka mi palabra i kòrda riba mi advertensia.

 

Boneiru a traha sumamente duru pa krea kuido aseptabel. Fundashon Mariadal ta un di e instansianan mas sentral den e esfuersonan aki. Tin enfermeranan ku mas di trinta aña largu a lucha den bon i malu pa awe nos tin kuido aseptabel.

 

Nos komo Boneiru a sali di ta mendigá serka bisiñanan pa kuido pa yega awe na servisionan di kuido ku ta hopi aseptabel i na nivel hulandes. Klaro ku tin hopi desaroyo mas pa tuma lugá i espasio pa mehorá kalidat di servisio. Pero ta pesei nos tin instasianan ofisial i konserní pa inspekshoná kalidat di kuido i duna rekomendashon. Inspekshon di Kuido i Asuntunan di Hubentut (IGJ) ta e esun ku mester hasi su trabou. Ta keda na nos pa duna kritika konstruktivo pa aportá pa mihó kuido.

 

Pero nos ta nota i a risibí diferente señal ku tin un plan serka sierto polítikonan pa kibra Fundashon Mariadal na fabor di interesnan komersial. Por ehèmpel, mira e situashon di seramentu di Botika Sabana. Tur preshon a bin kai riba Fundashon Mariadal di un dia pa otro. Nos no ta sali i mustra kompreshon pero kontrali na esaki e politikonan di mala fe aki ta kulpa Mariadal di e echo ku Botika Sabana a sera. Mientras ku ta riba òrdu di IGJ, esta inspekshon, a sera botika Sabana.

 

Lider di UPB, James Kroon ta trese dilanti di ta duna sosten kompletu na tantu Fundashon Maridal komo nos otro institushonnan lokal ku a bringa di nada pa awe nos tin mihó kuido ku ántes.

Kroon ta kuestioná fuertemente polítikonan di mala fe i ku interesnan komersial den kuido di Boneiru. Si, mester sigui desaroyá miho kuido di salubirdat na Mariadal, ban uni i buta man huntu ku Fundashon Mariadal pa sigui desaroyá i mehorá kuido.

 

9 views

1 Comment


Ken ta e politiko nan di mala fe. Bin kompleru

Like
BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page