top of page
ggzsjjg.png

Segun Lider di FSB, Robby Beukenboom; Den Oposishon Tin Lenga Pero Ora Sinta Den Stul di Diputado Ta Hasi Kompletamente Otro

Den e komunikado emetí resientemente, Robby Beukenboom lider di Frente Sosial Progresivo ta trese tambe lo siguiente dilanti; A kritika i bisa ku kayanan nobo di asfalt mester tin un rant di beton, e dos pida kamindanan ku e gobiernu aki a traha ta sin e rant ku tantu a grita i pidi. Aki tambe por mira ku ora ta den oposishon tin un lenga pero ora sinta den stul di diputado ta hasi kompletamente otro.

 



E famoso retonde ku a frakasá na kaya Amsterdam tabata hopi den notisia, na e proyekto aki lo ta tin korupshon i malversashon di fondo públiko. Sinembargo despues di kasi un aña den gobernashon NO a entregá keho na ministerio públiko p’asina por sa e bèrdat tras di e deroche di plaka di pueblo aki. E supuesto politiko korupto i ladron ta kana liber ketu bai i pronto lo drenta Konseho Insular sin ku e aktual mayoria a hasi nèt nèt nada.

 

Otro proyekto ku tabata basta den notisia ta e Hotel Chogogo ku ta keda na Playa Lechi.

E efifisio lo tabata algun sentimeter muchu haltu i tambe a basha santu ilegal na e bich.

Mas di un aña despues e edifisio tin mes un haltura i turistantan ta drumi ta kima kuero ketu bai den mesun santu.

Den oposishon tabata boka yen di transparensia i bon gobernashon, tabata akusá gobiernu di tin kos di skonde. Mester a publiká tur dedishon ku kolegio ehekutivo tuma. A kuminsá ku publikashon pero no a dura muchu ku esaki tambe a kaba na aros ku koko. A kuminsa ku konferensia di prensa tur siman, no a dura muchu ku periodistanan ta yega i haña un kibrá di kara ku konferensia a para pa kolmo sin previo aviso.

 

E akustumbrado karakter arogante di e diputado mayó no sa hasi falta, nos a mira diputado mayó bira ònbeskòp ora periodista hasi pregunta kritiko. Kontenido di e konferensianan di prensa tabata laga di deseá. Diripiente e konferensianan di prensa aki a para i kaba na nada i awe nos no sa kiko ta pasa den gobernashon i Boneiru ta kana den skuridat.

 

A bin ku un kos nobo kuy kontami den Parke Wilhelmina, suidadanonan por a bin ku nan prekupashon i ideanan serka e mandatarionan. E bunita i popular idea aki lo a bai den tur skina i bario di Boneiru. Kontami a resultá otro Maria Porko Shushi, pues ‘hopi skuma i poko chukulati’.

 

Nos tin gana di sa si esnan ku a molestiá bin konta gobiernu nan deseo o prekupashon a mira resultado, nos tin miedu ku nan a perde nan tempu i ku nèt nèt nada no a pasa.

1 view

Comentários


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page