top of page
ggzsjjg.png

Segun dr. Willem A. Cecilia; Si Ministerio Públiko i Kuerpo Polisial Konstatá Ku Menasa ta Real. Cyrill Vrolijk Ta Haña Vigilansia i Protekshon Ku Fondo Finansiero di Hulanda òf Entidat Públiko

Kontinuando ku su komunikado tokante e supuesto menasa kontra miembro di Konseho Insular, Cyrill Vrolijk ku su vigilansia 24/7, dr. Willem A. Cecilia ta bisa;

Si Ministerio Públiko den koperashon ku Kuerpo Polisial Karibe Hulandes konstatá ku menasa(nan) kontra Vrolijk ta real. E ora ei e ta haña vigilansia i protekshon pero e fondonan finansiero mester sali for di e presupuesto di pais Hulanda òf di e entidat públiko. Sinembargo, Vrolijk ta lubidá loke a sosodé ku Rafael Santana na 2014.

Segun e parlamentario di e tempu ei ku ta van Raak, un empresario di Kòrsou a pone un arma di kandela na kabes di Santana. E empresario tabata ke pa Santana basha e kolegio di Boneiru abou.

Segun Van Raak, Santana a ser ofresé $120.000 den kontante i si e nenga, e lo ser matá. Santana no a aseptá e sèn, pero sí a hasi denunsia na Ministerio Públiko.

Na e momentu ei mi tabata grifir di Konseho Insular di Boneiru i mi mester a tuma medida pa protehá Sr. Santana. Entre otro, e tabatin eskolta di polis na reunionnan públiko y eskolta pa i for di su kas, i su kas i su besindario tabata èkstra vigilá.



Loke a pasa ku Santana ta den fuerte kontraste ku loke a pasa ku Vrolijk, i ta parse ku awor e ke asumí e ròl di víktima. Mas probabel ta ku e pueblo no ta satisfecho ku e funshonamentu di e kolegio aktual i esaki awor ta bira mas i mas evidente.

Ta mas ku lógiko ku nan kier enfrentá su persona pa  esaki.


Polítikonan en general, i Vrolijk en partikular, mester ta kapás pa soportá krítika fuerte, komentario severo i tin bia hasta insulto, sin ku esaki ta afektá nan funshonamentu òf estado di ánimo negativamente. Sinembargo, ta parse ku Vrolijk no ta kapás pa hasi esaki i no ta honesto sufisientemente pa splika e pueblo di Boneiru dikon ocho luna pasá el a tumba  e kolegio.

 

dr. Willem A. Cecilia

1 view

Opmerkingen


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page