Komo yu di un muhé pretu di Rincon i di un hòmber di Barbados nasé den Playa Pabou mi a haña un edukashon ku e fundeshi katóliko. Nunka gosa di inhustisia kontra un hende, maske nos no konos’é. Muhénan balente manera Machi Dodo Domacassé, Kamechi Thodé-Wout i Elisa semper porta di nan kas tabata abrí pa tur hende i nan lema tabata kaminda un por kome dos tambe por. E muhénan aki a laga un herensia atras ku nos di Playa Pabou i henter Boneiru tin e deber di sigui praktiká. P'e motibu aki mi ta haña ku a kometé inhustisia kontra Rudsel Leito.
Nos por skohe komo ehèmpel Hesus krusifiká. Hesus a sana enfermo, saka demoño for
di hende, a kura leproso a kore ku esnan ku a hasi kas di Dios un nèshi di ladron, a kambia
awa den biña pa tur hende por a gosa, a hasi milager ku algun piská i pan pa un multitut haña di kome, a bisa Hudas na último sena “bai hasi loke bo mester hasi “ i na Pedro esun ku E a stima “promé ku gai kanta tres biaha lo bo nenga mi” Pedro yalurs pa motibu ku Maria Magdalena, un muhé, a haña un lugá importante serka Hesus.
Hesus a pega orea di e sòldá ku un apòstel a kap i riba krus Hesus a primintí un malechor ku a arepentí ku huntu nan ta den Shelu.
Fariseonan a konspirá pa mata Leito i Pontius Pilatus a laba man. Flechanan venenoso
awor ta riba konsehal Wout i Fundashon Mariadal. Esaki ta un piká kontra himno boneriano ku ta enfatisá humildat. Superfisial boneriano ta alegre, servisial, kontentu, humilde i di bon kurason, pero den profundidat, kruel, egoista i ta pasa riba kadaver.
.png)
Comments