top of page
ggzsjjg.png

Segun Alfred Burgos di M21: MESTER ATENDÉ KU ENTREGA DEFISIENTE DI PÒST NA BONEIRU

Ku gran asombro i desapunto mi tin ku konstatá ku te ainda entrega di pòst na Boneiru ta laga hopi di deseá. Komo fiel usuario di FXDC – POST pa hopi aña kaba mi ta testigu di un entrega inakseptabelmente pokopoko i inkonfiabel.

Si pòst yega nos isla mes, ta dura vários luna promé ku e yega kaminda e mester ta.

No opstante atenshon anterior di Union di Konsumidó di Boneiru i asta pregunta den parlamento hulandes na aña 2019 i 2020, nada no a kambia den entrega di pòst.



E echo ku diariamente tin avion di KLM i TUI ta baha na nos isla, ta hasi mas inkomprendibel ainda ku mester warda asina tantu riba entrega di pòst.

FXDC ta parse di ta skonde tras di e rutanan di buelo entre e islanan, loke no ta un splikashon dikon e servisio akí ta asina pokopoko.

Tin kasonan di pòst sigurá ku ta yega te despues di algun luna, òf ku ta keda drumi pa lunanan largu na ofisina di pòst, promé ku entregá nan.


E sistema defisiente pa pone number pa kas i duna nòmber di kaya ta empeorá e problema mas tantu ainda, manera mi mes a eksperensiá.

Un kas nobo trahá ku e mesun number ku esun di mi, ta un indikashon di un eror grave den otorgamentu di number di kas.

E promesa di un investigashon di parti di Direktorado di Planifikashon i Desaroyo ta bonbiní, pero e echo ku e organisashon akí tin falta di personal, ta trese duda tokante ehekushon na tempu di e investigashon akí.


Mester tuma pasonan pa pone òrdu den instansianan ku ta presta bou di nivel.

Ta mas ku tempu pa implementá mehorashon konkreto den e situashon problemátiko akí pa hisa nivel di entrega di pòst na Boneiru.



BròKèS 93.5 ………… Skuch’é!





21 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page