top of page
ggzsjjg.png

Señòr Manager di Konservashon di STINAPA

Señòr Manager di Konservashon di STINAPA

Ku satisfakshon Direktiva di STINAPA Bonaire ta anunsiá ku for di promé di òktober 2023 a promové Roxanne Francisca pa e puesto di Séniòr Manager di Konservashon.

Su trabou lo enfoká riba asistí e Direktor di Konservashon i sigurá e maneho efektivo i efisiente di e Parkenan di STINAPA komo tambe e Unidat di Naturalesa.

Roxanne lo traha estrechamente ku e Direktor di Konservashon, e Manager di Parkenan i nan personal pa fortalesé e operashon di parke na Washington Slagbaai Park, Bonaire National Marine Park i kuminsá ku e maneho di Rooi Lamoenchi Kunuku Park, ku a atkerí resientemente. Roxanne a djòin


STINAPA na 2018 komo Konsehero di Ekologia na e Unidat di Naturalesa for di Universidat di Amsterdam kaminda e tabata studiando pa un Grado di Masters den Limnologia i Oséanografia.

Na universidat Roxanne tabata un persona ku prestashon riba e standart di averahe i esaki a kontinuá den su forma di trabou.

Su dedikashon na trabou i prestashon ekselente durante e último sinku añanan a kondusí na promoshon pa su puesto nobo.


E Direktor di Konservashon, Kalli De Meyer a bisa: Mi ta sumamente kontentu di mira STINAPA rekonosé e trabou duru i e dedikashon di nan personal di e manera akí.

E promoshon akí ta hopi meresí i mi ta hopi ansioso pa traha estrechamente ku Roxanne awor ku e ta kontinuá su karera den e mundu di konservashon di naturalesa. Mi ta spera ku e lo tuma e puesto komo Direktor den futuro serkano.


Despues di a pasa su hubentut ta snòrkel riba e refnan vírgen di Boneiru, Roxanne semper

tabata dediká na preservashon i konservashon di naturalesa den Karibe Hulandes. Nasé i lantá na Kòrsou, el a bai studia na Simon Fraser University na Vancouver.

Despues el a sigui su estudio na Universidat di Amsterdam i a partisipá na e inisiativa di ekspedishon yamá Inisiativa Hulandes pa Oséanonan ku ta kambiando (Netherlands Initiative on Changing Oceans (NICO). Komo eksperto pashoná di bida marino, el a bin Boneiru 5 aña pasá pa traha komo biólogo marino pa STINAPA.

Durante su funshon, huntu ku vários partner, el a kontribuí na establesimentu di un programa robusto di monitoreo di kalidat di awa pa e isla, meskos ku e plan di monitoreo i akshon di sargassum. Mas resientemente e tabata importante den desaroyo i implementashon di e proyekto ‘Lac pa Semper‘ finansiá pa RESEMBID. Tambe e tabata lider di STINAPA su reakshon riba e malesa di pèrdida di tehido di koral (SCTLD stony coral tissue loss disease) i esfuersonan di restorashon di ref pa término largu.


Ku e hopi desafionan ku Boneiru ta konfrontando, for di kambio di klima te na un poblashon kresiente, personanan manera Roxanne ta kontribuí na protekshon i konservashon di naturalesa di Boneiru. Su konosementu i ekspertisio amplio, su abilidatnan di liderazgom supstansial i un sintimentu fuerte di responsabilidat ta hasié un kandidato ideal pa e puesto nobo akí den STINAPA. Roxanne ta bisa ku "e islanan tropikal chikitu manera Boneiru ta na frente ora ta trata di impakto di kambio di klima.

Segun ku e poblashon di Boneiru ta sigui oumentá konstantemente, ta bira sumamente obligatorio pa garantisá nos tesoronan natural.


E esfuersonan di konservashon i restorashon mester adaptá na e 'normal nobo' akí i adaptá na strategianan inovativo ku ta garantisá ku e ekosistemanan vibrante di e isla i e servisionan krusial ku nan ta brinda, ta sigurá. Esaki ta na benefisio di e generashonnan aktual i di futuro.

Ku e fortifikashon adishonal akí di e tim di maneho di STINAPA, nos ta spera di enkurashá

un kresementu positivo di e organisashon. Nos enfoke ta pa tin un tremendo tim, pa sigurá ku nos esfuersonan di konservashon ta eksitoso i ku nos parkenan ta manehá di manera efisiente.

STINAPA ta gradisí tur stakeholder i Gobièrnu di Boneiru pa nan sosten kontinuo i ta ansioso pa sigui manehá i konservá e parkenan pa e isla di Boneiru.


BròKèS 93.5 ………… Skuch’é!

7 views

Commentaires


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page