top of page
ggzsjjg.png

Sanne Meijer ta kontinuá riba lista di MPB ku kurason pa futuro di Boneiru

Kralendijk, 24 oktober 2022: For di 1993 Boneiru ta pegá na mi kurason. Ami a lanta riba e isla bunita akí den e kultura i idioma boneriano. Pa e motibu akí na 2018 mi a disidí di bai aportá na mantenshon di tur e kos bonnan i na drecha loke ku por ta mihó; i mi a drenta fila di MPB. Komo kandidato riba lista e tempu aya mi a bisa kaba: para grita na kantu no tin sentido i Boneiru tin mester di un Kolegio Ehekutivo stabil. Anto ami por bisa awe ku orguyo ku nos a logra den esaki. Partido a ofresé mi despues di gana elekshon e oportunidat di bai traha pa un mihó Boneiru. Miéntras tantu mi ta traha kaba 3,5 aña pa ofisina di diputado. Traha pa pueblo no ta asina fásil, bo por ta hasi bo trabou di kurason pero asina mes bo ta haña hopi krítika i nunka bo no ta hasi sufisientemente bon. Tambe e trabou por ta kargá di strès i den un ambiente turbulento, sinembargo nos ta traha tambe ku masha hopi plaser den nos trabou. Nos tin un tim ameno ku tin bon sosten i koperashon di otro. Na E.P.B. bo ta traha ku hende di tur edat, nivel i historia, dor di esaki bo ta traha huntu ku diferente persona, loke ta masha instruktivo i ta inspirá bo hopi!


Nos a risibí 1,5 aña pasá e bendishon di un yu muhé i esaki komo mama di 3 mucha muhé a duna mi forsa di kontinuá i pone mi mes disponibel atrobe komo kandidato pa e próksimo elekshon.


Komo mucha chikí di 3 aña mi a drenta mi promé eksperensia ku e kultura boneriano na krèsh Bon Kwido i despues na Kolegio Papa Cornes. Esaki a enrikesé mi ku hopi amigu, i ainda nos ta bini huntu ku nos yunan pa rebibá e memoria di kosnan bunita di ántes. Regularmente den wikènt nos tabata bai kamper ku nos mayornan na Sorobon. Nos mayornan a prepará kos dushi pa pasaboka i nos komo mucha tabata bai hunga riba playa. Òf nos tabata bai Lac djadumingu unda mi mama tabata balia tur ora bai riba músika di Magic Sound (e tempu ei un di e bandanan mas popular). Tambe mi ta kòrda bon ainda kon ami ku mi amiganan tabata hunga huntu den e sentro komersial kaminda nan mayornan tambe tabatin un pakus. Nos tabata duna presentashon di baile i nos tabata traha armbant pa bende. Pues for di mucha mi tabatin e ambishon di hasi negoshi. Esaki ta e motibu tambe ku mi ta haña hopi interesante pa sostené hóben den esaki.


Awor mi ta mira kon mi propio yunan a kohe e rumbo akí i kuantu nan ta gusta naturalesa i e mundu di bou di awa. Den mi tempu liber mi ta gusta di paddleboard, landa i snòrkel ku e muchanan òf kana keiru ku nos dushi kachónan.


Komo miembro di e klup di servisio Kiwanis, mi ta yuda ku aktividat di e komitiva di rekoudá fondo. Un bunita manera pa baha gastu pa mayornan ku ta man yen di aktividat pa finansieramente tene kabes riba awa.


Gustosamente mi ke lucha pa yega na oportunidat hustu i un bon futuro pa tur mucha na Boneiru. Kada mucha ta meresé un ambiente safe pa por desaroyá su mes den wega.



===========================================

BròKèS 93.5 ………… Skuch’é!



8 views

コメント


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page