top of page
ggzsjjg.png

Safer Animal Friendly Bonaire ta gradisí


Safer Animal Friendly Bonaire ta gradisí tur polítiko i sostenedó ku a kontribuí pa laga buriku move liber den naturalesa. Tambe pa nan yudansa den e intento pa saka “nos buriku nubiano spesial históriko” for di e programa di eliminashon ku tabatin planiá. Den un komunikado, e organisashon ta skirbi ku e plan ku a eliminá akí ta trahá pa hendenan ku siensia bieu, i studiantenan ku ta sinta tras di lèsenar sin eksperensia di animal den naturalesa.


Safer Animal Friendly Bonaire: “Boneiru tin ku realisá ku nos buriku ta un espesie spesial i un tesoro nashonal. No mester saka nan for di kaminda nan ta òf eliminá nan pa motibu di prehuisio, kumbiniensia, nada di estudio òf estudio inkorekto, òf pa benefisio finansiero pa otro.”


Segun e organisashon, Stinapa a bini ku e teoria di eliminashon hopi aña pasá. Esaki tabata basá solamente opinion, nada di estudio. “Ora nos a puntra R&O, nan a bisa nos ku nan no tin estudio di buriku.”


Safer Animal Friendly Bonaire tin speransa ku tur siudadano di Boneiru ta nan tras. Ku ta sostené e plan di Donkey Salvation pa reubiká buriku for di áreanan habitá i kaya pa áreanan seif. Esaki na un kantidat ku ta yuda i no ta daña tereno. Un deseo spesial di e organisashon ta ku finalmente un dia gobièrnu aktual ta aseptá e plan akí.”


E organisashon ta spera esaki, pasobra ‘siudadanonan di Boneiru tin amor pa buriku, buriku tin balor ekonómiko, ta un parti grandi di nos herensia, i di hopi manera ta yuda naturalesa, ta stimá pa turista, artista i fotógrafo, tin un plan pa usa nan komo formashon di komunidat, i esaki ku informashon korekto kompilá pa profeshonalnan di bestia di mondi i maneho di tereno’.


Segun e organisashon, si a implementá e plan aki 8 aña pasá lo no tabatin daño na animal, hende i vehíkulo. E ta splika ku nan tin un programa bon diseñá pa reubiká buriku for di kaya i partinan habitá pa áreanan seif leu den kunuku. Esaki na un kantidat ku no ta hasi daño sino ta benefisioso pa tereno, kaminda ta sigui mónitor i kontrolá e populashon si ta nesesario. “Un fórmula humano di sterilisashon pasando e hembranan angua. Esei lo dura 3 aña. E bunitesa di esei ta ku lo no destruí nos rasa spesial di nubiano.”


Safer Animal Friendly Bonaire ta hasi un yamada na tur hende pa djòin esnan ku ta hopi kaba den e movementu pa stòp ‘kibramentu di famia di buriku’, kaba ku e plan di eradikashon, i protehá ‘nos buriku spesial históriko’. Algu ku mester a sosodé hopi tempu pasá kaba, na opinion di e organisashon.


Pa mas informashon por bishitá e página di Facebook di Bonaire Donkey Protection League. Boluntarionan por tuma kontakto ku e organisahon via imeil bdplf@hotmail.com òf yama +599-785-2205.

BròKèS 93.5 ………… Skuch’é!

5 views

Comentários


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page